|
2024-02-06 11:27:12, 733 ნახვა
საზოგადოება
ტაბატაძე - სუს-ის მიერ ჩატარებულმა კიდევ ერთმა წარმატებულმა სპეცოპერაციამ დიდი საფრთხე აგვარიდა
სახელმწიფო უსაფრთხოების სამსახურის მიერ ჩატარებულმა კიდევ ერთმა წარმატებულმა სპეცოპერაციამ დიდი საფრთხე აგვარიდა, - ასე ეხმაურება საქართველოს პარლამენტის თავდაცვისა და უშიშროების კომიტეტის თავმჯდომარის პირველი მოადგილე ალექსანდრე ტაბატაძე სახელმწიფო უსაფრთხოების სამსახურის კონტრტერორისტული ცენტრის მიერ გატარებულ ოპერატიულ-სამძებრო და საგამოძიებო მოქმედებებს. მისი თქმით, დროულად გატარებულმა ოპერატიულ-სამძებრო და საგამოძიებო მოქმედებებმა საქართველოში პოლიტიკური სტაბილურობის შენარჩუნება უზრუნველყო. „ეს იყო სახელმწიფო უსაფრთხოების სამსახურის მიერ ჩატარებული კიდევ ერთი წარმატებული სპეცოპერაცია, რომელმაც დიდი საფრთხე აგვარიდა. დროულად გატარებულმა ოპერატიულ-სამძებრო და საგამოძიებო მოქმედებებმა საქართველოში უზრუნველყო პოლიტიკური სტაბილურობის შენარჩუნება. ტერორიზმის მიზანია ძირი გამოუთხაროს ქვეყნის უსაფრთხო გარემოს, მოქალაქეების წარმოდგენაში შეარყიოს ხელისუფლებისადმი ნდობა და მტრული ძალებისთვის პოლიტიკური პროვოკაციების ორგანიზების შესაძლებლობა შექმნას. მნიშვნელოვანია ყოველივე ამის ღრმად გაანალიზება, რაც დაგვეხმარება უკეთესად დავინახოთ სახელმწიფო უსაფრთხოების სამსახურის როლი არა მხოლოდ უსაფრთხოების უზრუნველყოფაში, არამედ საქართველოში პოლიტიკური სტაბილურობის შენარჩუნებაში. გუშინ წარმატებულად ჩატარებულ სპეცოპერაციაში განსაკუთრებული წვლილი მიუძღვის სახელმწიფო უსაფრთხოების სამსახურის კონტრტერორისტულ ცენტრს. სწორედ მსგავსი წარმატებით განხორციელებული ღონისძიებების გამო უსაფრთხოების სამსახურმა არაერთხელ დაიმსახურა ჩვენი პარტნიორების მხრიდან მაღალი შეფასება. აღსანიშნავია, რომ გამოძიება გრძელდება და შესაძლოა ეჭვმიტანილთა წრე გაფართოვდეს“, - აღნიშნა ალექსანდრე ტაბატაძემ. ცნობისთვის, გუშინ, 5 თებერვალს სახელმწიფო უსაფრთხოების სამსახურის კონტრტერორისტულმა ცენტრმა, გატარებული ოპერატიულ-სამძებრო და საგამოძიებო მოქმედებების შედეგად, რამდენიმე ერთეული სპეციალური ასაფეთქებელი მოწყობილობა და დიდი რაოდენობით ასაფეთქებელი ნივთიერება ამოიღო. ფაქტთან დაკავშირებით, სახელმწიფო უსაფრთხოების სამსახურის კონტრტერორისტული ცენტრი, გამოძიებას აწარმოებს საქართველოს სისხლის სამართლის კოდექსის 236-ე მუხლის მესამე ნაწილით, რაც გულისხმობს ფეთქებადი ნივთიერებისა და ასაფეთქებელი მოწყობილობის მართლსაწინააღმდეგო შეძენასა და შენახვას.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



