|
2024-01-26 14:11:04, 769 ნახვა
საზოგადოება
თბილისის სახელმწიფო უნივერსიტეტში აქცია მიმდინარეობს - სტუდენტების ნაწილმა პროტესტის ნიშნად კანცელარიის ოთახი დაიკავა
თბილისის სახელმწიფო უნივერსიტეტში საპროტესტო აქცია მიმდინარეობს. სტუდენტების ნაწილმა კანცელარიის ოთახი დაიკავა და უნივერსიტეტის რექტორთან, ჯაბა სამუშიასთან შეხვედრა მოითხოვა. აქციის მონაწილეები თბილისში, კეკელიძეზე ოჯახის გამოსახლების დროს დაკავებული გიორგი ხასაიასა და კაკო ჩიქობავას გათავისუფლებასაც ითხოვენ. "როგორც იცით, დღეს შევაჩერეთ ერთი გამოსახლება, რომელიც გადაიდო, მაგრამ ეს არ არის გამარჯვება. ჩვენ რამდენიმე დღის წინ, კეკელიძეზე მძიმე დღის შემდეგ, დავაანონსეთ ჩვენი მოთხოვნა, ესაა: მორატორიუმი გამოსახლებებზე, რომელიც კვლავ ძალაშია. ამის შემდეგ აუცილებლად უნდა მივიღოთ საკანონმდებლო ცვლილება, რომ გამოსახლებები შეწყდეს. ამ პროცესს ასევე უკვე ჰყავს ორი პატიმარი, ესაა გიორგი ხასაია და კაკო ჩიქობავა", - განაცხადა აქციის ერთ-ერთმა მონაწილემ, ბექა წიქარიშვილმა. შეგახსენებთ, რომ გუშინ, 25 იანვარს კეკელიძის ქუჩაზე ოჯახის გამოსახლებისას დაკავებულ აკაკი ჩიქობავასა და გიორგი ხასაიას სასამართლომ აღკვეთის ღონისძიების სახით პატიმრობა შეეფარდა. პროკურატურა მათ სისხლის სამართლის კოდექსის 187-ე მუხლის მე-2 ნაწილის „გ“ ქვეპუნქტით ჩადენილ დანაშაულს ედავება, რაც ჯგუფურად ნივთის დაზიანებას ან განადგურებას გულისხმობს. დანაშაული 3-დან 6 წლამდე ვადით პატიმრობას ითვალისწინებს.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



