|
2023-12-22 15:53:48, 755 ნახვა
საზოგადოება
ლევან გამყრელიძე - საქართველოზე გამავალი სხვა სატრანსპორტო მარშრუტების განვითარება სააგენტოს მნიშვნელოვანი ამოცანაა
„საქართველოს მთავრობასა და ჩინეთის სახალხო რესპუბლიკის მთავრობას შორის მგზავრებისა და ტვირთების საერთაშორისო საავტომობილო ტრანსპორტირების შესახებ“ გაფორმებული შეთანხმების საფუძველზე, საქართველოში რეგისტრირებულ გადამზიდველებს საავტომობილო გზით უკვე შეუძლიათ ჩინეთის სახალხო რესპუბლიკის ტერიტორიაზე სატრანსპორტო ოპერაციების განხორციელება. აღნიშნულის შესახებ ინფორმაციას ეკონომიკისა და მდგრადი განვითარების სამინისტროს სახმელეთო ტრანსპორტის სააგენტო ავრცელებს. სააგენტოს დირექტორის, ლევან გამყრელიძის განცხადებით, ჩინეთის მხარესთან შეთანხმების მიღწევა შესაძლებელი გახდა საქართველოს ეკონომიკისა და მდგრადი განვითარების სამინისტროს აქტიური ძალისხმევითა და სსიპ - სახმელეთო ტრანსპორტის სააგენტოს უშუალო ჩართულობით. მისივე თქმით, შეთანხმების შედეგად, ახალ ეტაპზე გადადის საქართველო - ჩინეთის თანამშრომლობა საავტომობილო ტრანსპორტის სფეროში. „საქართველოზე გამავალი სხვა სატრანსპორტო მარშრუტების განვითარება და ქართველი გადამზიდველებისთვის საავტომობილო ტრანსპორტის მიმართულებით ახალი შესაძლებლობების უზრუნველყოფა სააგენტოს მნიშვნელოვანი ამოცანაა. სახმელეთო ტრანსპორტის სააგენტო მომავალშიც გააგრძელებს ქართველი გადამზიდველების ინტერესების დაცვას და კონკურენტუნარიანობის ზრდას ახალ ბაზრებზე“, - განაცხადა სააგენტოს დირექტორმა. სახმელეთო ტრანსპორტის სააგენტომ პირველი ნებართვა უკვე გასცა. სააგენტოს თბილისის ფილიალიდან ჩინეთის სახალხო რესპუბლიკის ორმხრივი/ტრანზიტული და მესამე ქვეყანაში/ქვეყნიდან ნებართვების მიღება უკვე შესაძლებელია. რაც შეეხება რეგიონის ოფისებს, ნებართვების გაცემა დაიწყება მომავალი წლიდან. შეთანხმება ითვალისწინებს საქართველოში და ჩინეთის სახალხო რესპუბლიკაში რეგისტრირებული გადამზიდველებისთვის, როგორც ორმხრივი და ტრანზიტული, ისე მესამე ქვეყანაში/ქვეყნებიდან გადაზიდვის კვოტების გაცვლას.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



