ჯანდაცვის სამინისტრო მრავალი მიმართულებით მუშაობს, როგორც ჯანდაცვის, ისე სოციალური დაცვის, დასაქმების, სოციალური რეაბილიტაციის სერვისების, დევნილთა მომსახურებების მიმართულებებით, ამიტომ მნიშვნელოვანია, რომ ეს ფართო სპექტრი ჩვენი მომსახურებებისა იყოს სწრაფი, ეფექტური და ხელმისაწვდომი მოქალაქეებისათვის. აქედან გამომდინარე, ერთი ფანჯრის პრინციპის კონცეფცია ამოქმედდა და პირველი ფილიალი, არსებული კონცეფციით, გაიხსნა საბურთალოზე - მიცკევიჩის ქუჩაზე, - აღნიშნულის შესახებ ჯანდაცვის მინისტრის მოადგილემ, თამარ ბარაკალაიამ განაცხადა. 

თამარ ბარკალაიას თქმით, ჯანდაცვის სამინისტროს მომსახურების ცენტრში, მოქალაქე, ერთ სივრცეში და ერთი ფანჯრის პრინციპით, მიიღებს სოციალური მომსახურების, დასაქმების ხელშეწყობისა და ჯანმრთელობის ეროვნული სააგენტოების, ასევე - სახელმწიფო ზრუნვისა და ტრეფიკინგის მსხვერპლთა დახმარების მიმართულებით სრულყოფილ და უწყვეტ მომსახურებას. 

„ვფიქრობთ, რომ ეს გაუმარტივებს ჩვენს მოქალაქეებს დროული და ეფექტური სერვისების მიღების შესაძლებლობას და კმაყოფილებასაც გაზრდის, ამ სერვისების მიმართულებით. საკმაოდ აქტიურია საბურთალოს ფილიალი, ერთ-ერთი დიდი მოცვითი არეალი აქვს. ჩვენ, გავაგრძელებთ სრულიად თბილისის და რეგიონების მოცვას აღნიშნული სერვისით. მომავალ წელს, იგეგმება, დაახლოებით, 10 ფილიალის ამოქმედება, მათ შორის თბილისის ხუთივე ტერიტორიულ ერთეულში“, - განაცხადა მინისტრის მოადგილემ.

ავტორი: NS (სტატია დაფინანსებულია),

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან