|
2023-12-19 17:03:19, 649 ნახვა
საზოგადოება
მთაწმინდის რაიონის გამგებელმა 2023 წელს გაწეული საქმიანობის ანგარიში წარადგინა
მთაწმინდის გამგებელმა, დავით კირკიტაძემ საზოგადოებას 2023 წლის განმავლობაში რაიონში განხორციელებული მნიშვნელოვანი პროექტები გააცნო. აღნიშნულის შესახებ ინფორმაციას თბილისის მერია ავრცელებს. გამგებლის განცხადებით, მიმდინარე წელს მთაწმინდის რაიონში კაპიტალურად შეკეთდა და რეაბილიტირდა ჯამში, 45 740 კვ.მ ფართობის გზის საფარი, აქედან შემოერთებულ ტერიტორიებზე 4 ქუჩა შეკეთდა კაპიტალურად; აშენდა გრუნტის დამჭერი 6 კედელი. სხვადასხვა კეთილმოწყობის სამუშაოები ჩატარდა 120 მისამართზე; გამწვანებისა და მცენარეთა მოვლა-პატრონობის სამუშაოები 550 მისამართზე ჩატარდა. გარდა ამისა, მოეწყო და რეაბილიტირდა 6 დასასვენებელი და საბავშვო გასართობი სივრცე. უწყების ცნობით, ჯანსაღი ცხოვრების წესის ხელშეწყობის მიზნით, ტაბახმელაში, მულტიფუნქციური სივრცის მშენებლობა დაიწყო, რის შედეგადაც 4 სპორტული მოედანი მოეწყობა. „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, 2023 წლის განმავლობაში 110 პროექტი განხორციელდა. მათ შორის, კაპიტალურად გამაგრდა 3 ავარიული საცხოვრებელი სახლი, რომელთაგან 2 კულტურული მემკვიდრეობის ძეგლის სტატუსის მატარებელია. 45 მისამართზე სახლის სახურავი შეიცვალა, წყალარინების ქსელი 20 მისამართზე შეიცვალა, ხოლო ლიფტების რეაბილიტაცია 13 მისამართზე განხორციელდა. მოსახლეობის ჩართულობით გაიმართა სხვადასხვა სახის 7 კულტურული, სპორტული და საგანმანათლებლო ღონისძიება. მიმდინარე წლის განმავლობაში გამგეობის მიერ განხორციელებული საბიუჯეტო პროგრამებისა და პროექტებისთვის ჯამში, 21 182 390 ლარი დაიხარჯა. დავით კირკიტაძემ ადგილობრივ მოსახლეობასა და სახელმწიფო უწყებებს თანადგომისთვის მადლობა გადაუხადა. მან, ასევე, 2024 წლისთვის დაგეგმილ მნიშვნელოვან პროექტებზეც ისაუბრა. ასევე, მისი თქმით, მომავალ წელს იგეგმება ბიუჯეტის გაზრდა, რომლის საშუალებით კიდევ უფრო მასშტაბური პროექტების განხორციელება იქნება შესაძლებელი. მთაწმინდის გამგეობის საქმიანობის ანგარიშის წარდგენას ესწრებოდნენ მთაწმინდის მაჟორიტარი დეპუტატი საკრებულოში ზურაბ აბაშიძე და დედაქალაქის მთავრობის წევრები“, - აღნიშნულია ინფორმაციაში.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



