ჩვენი ქვეყნისა და სამინისტროსთვის სოციალური მიმართულება მნიშვნელოვანია, ამ მიმართულებით რიგი ცვლილებები განხორციელდა. კანონში გათვალისწინებულია ინდექსაციის მექანიზმი, რომელიც სახელმწიფო პენსიის ყოველწლიურ ზრდას გულისხმობს,- აღნიშნულის შესახებ ჯანდაცვის მინისტრმა, ზურაბ აზარაშვილმა ისაუბრა.

როგორც მან განმარტა, სახელმწიფო პენსიის ოდენობა განსხვავებული იქნება მაღალმთიან რეგიონში და 500 ლარამდე განისაზღვრება, აღნიშნული კი ქვეყანაში გაუმჯობესებული ეკონომიკური მდგომარეობის გათვალისწინებით მოხდა.

„პენსიის ზრდა განსხვავებულია მაღალმთიან რეგიონებში მცხოვრებთათვის და 350 ლარიდან 500 ლარამდეც ადის. ეს არის მნიშვნელოვანი შედეგი და ვფიქრობ, გამომდინარეობს იმ მშვიდობიდან და ეკონომიკური ზრდიდან, რაც გვაქვს ქვეყანაში. სხვა შემთხვევაში შეუძლებელი იქნებოდა“, - აღნიშნა ჯანდაცვის მინისტრმა. 

ზურაბ აზარაშვილმა სოციალურად დაუცველ ბავშვთა დახმარებაზეც ისაუბრა და აღნიშნა, რომ ამ მიმართულებით ყოველწლიურად ნახევარი მილიარდი ლარია გამოყოფილი.  

„სოციალურად დაუცველ ბავშვთა დახმარება 10 წლის წინ 0 ლარს შეადგენდა, ეტაპობრივად შევძელით გაზრდა და წელს უკვე 200 ლარს შეადგენს, ყოველწლიურად  თითქმის ნახევარი მილიარდი ლარი გათვალისწინებულია მხოლოდ სოციალურად დაუცველი ბავშვების დახმარებისთვის“, - განაცხადა ზურაბ აზარაშვილმა.

ჯანდაცვის მინისტრმა, სამინისტროს ბიუჯეტის ზრდასთან დაკავშირებითაც ისაუბრა, მისი განცხადებით, სამინისტროს 2024 წლის ბიუჯეტი 7 მილიარდ 800 მილიონი ლარი იქნება.

„2024 წლიდან, სამინისტროს ბიუჯეტი 1 მილიარდით გაიზრდება, თუ წელს გვქონდა 6 მილიარდ 800 მლნ ლარი, მომდევნო წელს იქნება 7 მილიარდ 800 მილიონი ლარი. ეს შესაძლებლობა ეკონომიკური ზრდის და იმ წარმატებული პოლიტიკის საფუძველზე გვაქვს, რაც მთავრობის გადაწყვეტილებებით ხდება. ვფიქრობ, ყველა მიმართულებით მნიშვნელოვანი ნაბიჯებია გადადგმული,  რაც კიდევ ერთხელ ადასტურებს ჩვენი ქვეყნის წარმატებას“, - აღნიშნა ჯანდაცვის მინისტრმა.

ავტორი: NS (სტატია დაფინანსებულია),

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო