01:03 - 18 Nov, 2026
ჩვენ შესახებ რეკლამა/ხელმოწერა
2023-12-15 11:52:37, 797 ნახვა

საზოგადოება
სოფლის მეურნეობის სამეცნიერო-კვლევითი ცენტრის დირექტორმა FAO-ს მცენარეთა გენეტიკური რესურსების მმართველი ორგანოს სესიაში მიიღო მონაწილეობა

სოფლის მეურნეობის სამეცნიერო-კვლევითი ცენტრის დირექტორმა FAO-ს მცენარეთა გენეტიკური რესურსების მმართველი ორგანოს მე-10 სესიაში მიიღო მონაწილეობა. ამის შესახებ ინფორმაციას გარემოს დაცვისა და სოფლის მეურნეობის სამინისტროს სოფლის მეურნეობის სამეცნიერო-კვლევითი ცენტრი ავრცელებს.

სამეცნიერო-კვლევითი ცენტრის ცნობით, იტალიის დედაქალაქ რომში გამართულ გაეროს სურსათისა და სოფლის მეურნეობის ორგანიზაციის (FAO) მცენარეთა გენეტიკური რესურსების საერთაშორისო ხელშეკრულების მმართველი ორგანოს მე-10 სესიაზე ძირითადი ყურადღება მცენარეთა გენეტიკური რესურსების შენარჩუნება-დაცვას, კლიმატის ცვლილებებთან ადაპტირებული სასოფლო-სამეურნეო კულტურათა ჯიშების შერჩევას და გავრცელების ხელშეწყობას, ეროვნული კოლექციების და თესლის გენეტიკური ბანკის შექმნის აუცილებლობას დაეთმო.

„სესიაზე ყურადღება გამახვილდა ბიომრავალფეროვნების მხარდაჭერაში, შენარჩუნებასა და გავრცელების გლობალური პოლიტიკის შემუშავებაში ქვეყნების მთავრობების ჩართულობასა და მათ როლზე.

თემატური შეხვედრების პარალელურად, სოფლის მეურნეობის სამეცნიერო-კვლევითი ცენტრის დირექტორი ლევან უჯმაჯურიძე ვაზისა და ღვინის საერთაშორისო ორგანიზაციის (OIV) პრეზიდენტს ლუიჯი მოიოს და სამეცნიერო დირექტორს ჟან კლაუდ რუფს შეხვდა. სამუშაო შეხვედრაზე ყურადღება ქართველ მკვლევართა ჩართულობით სამომავლო თანამშრომლობას, მეღვინეობის და ვაზის გენეტიკური რესურსების დაცვასა და პოპულარიზაციის ხელშეწყობას დაეთმო.

აღსანიშნავია, რომ ლევან უჯმაჯურიძე FAO-ში საქართველოს გენეტიკური რესურსების კოორდინატორი 2017 წლიდან არის“, - აღნიშნულია ინფორმაციაში.





ავტორი: NS (სტატია დაფინანსებულია),


სოციალური ქსელები
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics