00:37 - 18 Nov, 2026
ჩვენ შესახებ რეკლამა/ხელმოწერა
2023-12-12 20:32:50, 780 ნახვა

საზოგადოება
ილია ღუდუშაური - DRG მოდელით, ერთი თვის განმავლობაში, სახელმწიფომ, 2 200 მშობიარობის შემთხვევა სრულად დააფინანსა

„DRG მოდელით, ერთი თვის განმავლობაში,  სახელმწიფომ, 2 200 მშობიარობის შემთხვევა სრულად დააფინანსა“, - აღნიშნულის შესახებ ილია ღუდუშაურმა განაცხადა.

ჯანდაცვის მინისტრის მოადგილის განცხადებით, რეფორმა წარმატებულია, ტარიფები ეფექტური და ყველა პროვაიდერი კლინიკისთვის მისაღები.

„ამ დრომდე დაფინანსება ფიზიოლოგიური მშობიარობის შემთხვევაში - 500 ლარი, საკეისროს შემთხვევაში კი 800 ლარი იყო. თუმცა, კლინიკებს შეეძლოთ, მშობიარისთვის დამატებით მოეთხოვათ გადასახადი, იმის შესაბამისად, თუ რა ტარიფს დაადებდა სამედიცინო დაწესებულება აღნიშნულ სერვისს. შესაბამისად, თითქმის, ყველა მშობიარეს უწევდა თანხის დამატება“, - განაცხადა ილია ღუდუშაურმა.

მინისტრის მოადგილის თქმით, სამინისტრო, კლინიკებთან, ექიმებთან და ასოციაციებთან, რამდენიმე თვის განმავლობაში, მუშაობდა. კლინიკებისგან მოხდა ხარჯებთან დაკავშირებით დეტალური ინფორმაციის გამოთხოვა და სწორედ ამ თანამშრომლობის საფუძველზე განისაზღვრა ახალი ტარიფი - 1220 ლარი.

„დაფინანსება მოიცავს არჩევით ექიმის აყვანის, გაუტკივარების საფასურს. ასევე, მედიკამენტების, კვების, ყველა პირდაპირ და არაპირდაპირ ხარჯს. კლინიკებისგან გამოთხოვილი იყო ინფორმაცია ხარჯებთან დაკავშირებით, ასევე - აყვანილი ექიმის თანხა. საბოლოოდ, ყველა კლინიკისთვის ერთიანი სატარიფო არეალი ჩამოყალიბდა. ვფიქრობთ, რომ ტარიფები ყველა პროვაიდერისთვის მისაღები და ეფექტურია“, - განაცხადა ილია ღუდუშაურმა.





ავტორი: NS (სტატია დაფინანსებულია),


სოციალური ქსელები
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics