2023 წლის პირველ 9 თვეში საქართველოში სქესობრივი დანაშაულის 412 ფაქტი დაფიქსირდა, საიდანაც 272 გახსნილია. ამის შესახებ საქართველოს შინაგან საქმეთა სამინისტროს სტატისტიკაშია აღნიშნული.

შსს-ს სტატისტიკის მიხედვით, წინა წლის ანალოგიურ პერიოდში, სქესობრივი დანაშაულის 396 შემთხვევა აღირიცხა, რაც 4.04%-იან ზრდას გულისხმობს.

შსს-ს ინფორმაციით, 2023 წლის პირველი იანვრიდან 30 სექტემბრის ჩათვლით, გაუპატიურების 154 შემთხვევა, სექსუალური ხასიათის სხვაგვარი ქმედების - 54, პირის სხეულში სექსუალური ხასიათის შეღწევის ან სექსუალური ხასიათის სხვაგვარი ქმედების იძულების - 22, 16 წლის ასაკს მიუღწევლის სხეულში სექსუალური ხასიათის შეღწევის - 86, გარყვნილი ქმედების კი 96 შემთხვევა დაფიქსირდა.

ამასთან, როგორც სტატისტიკაშია აღნიშნული, 2023 წლის პირველ 9 თვეში სულ 41 126 დანაშაულის ფაქტი დაარეგისტრირეს (წინა წელთან შედარებით 2.11%-იანი კლება), რომელთა 63.09% გახსნილია.

სტატისტიკის სანახავად ეწვიეთ ბმულს. 

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს