2023-12-08 11:22:52, 591 ნახვა

---

ოზურგეთის მერი - სოფელ შემოქმედში, ე.წ. ჩაის ფაბრიკის ბინებში მცხოვრები 33 ოჯახი, პრემიერის გადაწყვეტილებით, 30 000 ლარის ოდენობით ფულად დახმარებას მიიღებს

ოზურგეთის მუნიციპალიტეტის სოფელ შემოქმედში, ე.წ. ჩაის ფაბრიკის ბინებში მცხოვრები 33 ოჯახი, პრემიერ-მინისტრის გადაწყვეტილებით, მიიღებს ფულად დახმარებას 30 000 ლარის ოდენობით,- ამის შესახებ ოზურგეთის მერმა, ავთანდილ თალაკვაძემ მერიის სხდომაზე განაცხადა.

თალაკვაძის თქმით, ექსპერტების დასკვნის თანახმად, თავად ეს შენობა დემონტაჟს ექვემდებარება.

"საზოგადოებას კარგად ახსოვს, რომ ღირსეული, უსაფრთხო საცხოვრებელი პირობები ოზურგეთის განვითარების ჩვენი 8-პუნქტიანი გეგმის ერთ-ერთი პრიორიტეტი და მთავარი დაპირება იყო. ამ მიმართულებით კიდევ ერთი მნიშვნელოვანი სიახლე მინდა გაგაცნოთ, რომელიც შემოქმედის ადმინისტრაციულ ერთეულში მდებარე ავარიულ მრავალბინიან კორპუსს - ე.წ. ჩაის ფაბრიკის ბინებს ეხება - ჩვენ ეს შენობა საფუძვლიანად შევამოწმეთ, იგი ამორტიზებულია და საფრთხეს წარმოადგენს იქ მცხოვრებთათვის. ამიტომ, შემოქმედში, ე.წ. ჩაის ფაბრიკის ბინებში მცხოვრებ 33 ოჯახს მინდა ვუთხრა, რომ თითოეული თქვენგანი, პრემიერ-მინისტრის გადაწყვეტილებით, მიიღებს ფულად დახმარებას 30 000 ლარის ოდენობით, რათა შეძლოთ ალტერნატიული ფართის შეძენა და უსაფრთხოდ განაგრძოთ ცხოვრება. ექსპერტების დასკვნის თანახმად, თავად ეს შენობა ექვემდებარება დემონტაჟს“,- განაცხადა ავთანდილ თალაკვაძემ.

ინფორმაციას პარტია "ქართული ოცნების" პრესსამსახური ავრცელებს.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი