|
2023-12-06 10:10:47, 1223 ნახვა
საზოგადოება
ნიადაგის დაცვის მსოფლიო დღისადმი მიძღვნილი ღონისძიება გაიმართა
ნიადაგის დაცვის მსოფლიო დღისადმი მიძღვნილი ღონისძიება გარემოს დაცვისა და სოფლის მეურნეობის მინისტრის მოადგილე თენგიზ ნასარიძემ მისასალმებელი სიტყვით გახსნა. „როგორც სოფლის მეურნეობის, ისე გარემოს დაცვის მიმართულებით, ნიადაგის დაცვას და მისი სასარგებლო თვისებების შენარჩუნებას უმნიშვნელოვანესი როლი აკისრია. ამასთან ერთად, აღნიშნული თემის გარშემო დისკუსიები ნიადაგის შესახებ ცნობიერების ამაღლებას უწყობს ხელს. ყველა ჩვენი აქტივობა და ღონისძიება, რაც ამ მიმართულებით ტარდება, სწორედ ნიადაგის დაცვასა და მისი სასარგებლო რესურსების შენარჩუნებას ისახავს მიზნად“, - განაცხადა თენგიზ ნასარიძემ. მინისტრის მოადგილემ ყურადღება გაამახვილა ქარსაფარი ზოლების, თესლბრუნვის დანერგვის პრაქტიკისა, სამელიორაციო ინფრასტრუქტურის მნიშვნელობაზე ნიადაგის დაცვისა და მისი სასარგებლო რესურსების შენარჩუნების საქმეში. ნიადაგის დღისადმი მიძღვნილი ღონისძიების ფარგლებში, აგრარული მიმართულების საჯარო, კერძო და არასამთავრობო სექტორში დასაქმებულ წარმატებულ ახალგაზრდა სპეციალისტებს, უმაღლესი საგანმანათლებლო დაწესებულების სტუდენტებს, სამეცნიერო და კვლევით სექტორში მოღვაწე მკვლევრებს ნიადაგმცოდნეობის ქართული სკოლის ერთ-ერთი ფუძემდებლის, აკადემიკოს თენგიზ (გიზო) ურუშაძის სახელობის საპატიო სიგელები გადაეცათ. როგორც ერთ-ერთმა დაჯილდოებულმა, სოფლის მეურნეობის სამეცნიერო-კვლევითი ცენტრის ნიადაგის ნაყოფიერების კვლევის სამსახურის ლაბორატორიის უფროსმა, გიორგი ღამბაშიძემ აღნიშნა, ჯილდოს მიღება დამატებით სტიმულს მისცემს თავის პროფესიით აქტიური საქმიანობა მომავალშიც წარმატებით გააგრძელოს და მიღებული ცოდნა სხვებს გაუზიაროს. მიმდინარე წელს, ნიადაგის დაცვის მსოფლიო დღის თემაა „ნიადაგი, წყალი - სიცოცხლის წყარო“. აღსანიშნავია, რომ ნიადაგის დაცვის საერთაშორისო დღე, 2013 წლიდან, მსოფლიოში გაეროს 68-ე ასამბლეაზე მიღებული გადაწყვეტილების საფუძველზე აღინიშნება. ღონისძიება გარემოსდაცვითი ინფორმაციისა და განათლების ცენტრის ორგანიზებით გაიმართა და მას მეცნიერებათა ეროვნული და სოფლის მეურნეობის მეცნიერებათა აკადემიების, სამინისტროს შესაბამისი სამსახურების, საგანმანათლებლო სექტორის, საქართველოს ფერმერთა ასოციაციის, ბიოლოგიურ მეცნიერებათა ასოციაციის „ელკანა”, კავკასიის რეგიონული გარემოსდაცვითი ცენტრის (REC Caucasus), კავკასიის გარემოსდაცვითი არასამთავრობო ორგანიზაციის ქსელის (CENN) წარმომადგენლები ესწრებოდნენ. ინფორმაციას გარემოს დაცვისა და სოფლის მეურნეობის სამინისტრო ავრცელებს.
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



