​საქართველოს გენერალური პროკურატურის და ორგანიზაცია „წითელი ხიდი“-ს ორგანიზებით, გენერალური პროკურატურის წარმომადგენლებმა, სამოქალაქო განვითარების სკოლის ეთნიკურად აზერბაიჯანელ სტუდენტებთან და მოსწავლეებთან პროკურორისა და პროკურატურის საქმიანობის თემატიკაზე საინფორმაციო შეხვედრა გამართეს. აღნიშნულის შესახებ ინფორმაციას საქართველოს გენერალური პროკურატურა ავრცელებს.

გენპროკურატურის ცნობით, შეხვედრაზე პროკურატურის წარმომადგენლებმა სტუმრებს ინფორმაცია მიაწოდეს პროკურორის ფუნქციებზე: გამოძიების საპროცესო ხელმძღვანელობაზე, სისხლის სამართლის დევნასა და სახელმწიფო ბრალდების მხარდაჭერაზე. ასევე საუბარი შეეხო პროკურორთა სპეციალიზაციას.

„საინფორმაციო შეხვედრაზე პროკურატურის წარმომადგენლებმა ყურადღება გაამახვილეს პროკურატურის სტაჟირების კონკურსზე და მის ეტაპებზე.

შეხვედრა ინტერაქტიულ რეჟიმში წარიმართა. სტუდენტებმა და მოსწავლეებმა მათთვის საინტერესო თემებზე შეკითხვები დასვეს, რაზეც პროკურატურის წარმომადგენლებისგან ამომწურავი პასუხები მიიღეს.

პროკურატურის წარმომადგენლებმა სტუმრებს მადლობა გადაუხადეს აღნიშნული თემით დაინტერესებისთვის. თავის მხრივ სტუმრებმა შეხვედრის მნიშვნელობას გაუსვეს ხაზი.

აღსანიშნავია, რომ შეხვედრაზე სამოქალაქო განვითარების სკოლის სტუდენტებმა და მოსწავლეებმა სამომავლო თანამშრომლობის მზაობაც გამოთქვეს, ნაადრევი ქორწინების საკითხებზე საინფორმაციო შეხვედრების ერთობლივად გამართვის თაობაზე“, - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს