|
2023-12-01 12:23:45, 856 ნახვა
საზოგადოება
ირაკლი შოთაძე აშშ-ის ელჩს შეხვდა
საქართველოს გენერალური პროკურორი ირაკლი შოთაძე საქართველოში ამერიკის შეერთებული შტატების საგანგებო და სრულუფლებიან ელჩს, რობინ დანიგანის შეხვდა. გენპროკურატურის ცნობით, შეხვედრას გენერალური პროკურორის მოადგილეები, ამერიკის შეერთებული შტატების იუსტიციის სახელმწიფო დეპარტამენტის მრჩეველი სამართლებრივ საკითხებში ლენა ოუენსი და ამერიკის შეერთებული შტატების საელჩოს წარმომადგენლები ესწრებოდნენ. "გაცნობითი ხასიათის შეხვედრაზე, ირაკლი შოთაძემ ელჩ რობინ დანიგანს მადლობა გადაუხადა ამერიკის შეერთებული შტატების საელჩოს მხრიდან საქართველოს პროკურატურის საქმიანობის მხარდაჭერისთვის, განსაკუთრებით კიბერდანაშაულის წინააღმდეგ ბრძოლისა და ნაფიც მსაჯულთა სასამართლოს განვითარების კუთხით. გენერალურმა პროკურორმა შეერთებული შტატების ელჩს საქართველოს პროკურატურაში განხორციელებული რეფორმები გააცნო და პროკურატურის შემდგომი განვითარების სტრატეგიაზე ესაუბრა. საუბარი შეეხო საქართველოსა და ამერიკის შეერთებულ შტატებს შორის მიმდინარე მოლაპარაკებებსაც, რომელიც ორ ქვეყანას შორის ექსტრადიციისა და სამართლებრივი დახმარების სფეროში ხელშეკრულებების გაფორმებას ითვალისწინებს. აშშ-ის ელჩმა, თავის მხრივ, საქართველოს პროკურატურას მადლობა გადაუხადა წლების განმავლობაში ნაყოფიერი საერთაშორისო თანამშრომლობის ფარგლებში განხორციელებული დახმარებისთვის, მათ შორის, ექსტრადიციების მიმართულებით. გენერალურ პროკურატურაში ვიზიტით მყოფმა სტუმრებმა, აშშ-ის საელჩოს და იუსტიციის დეპარტამენტის მხარდაჭერით, კიბერდანაშაულთან ბრძოლის მიზნით შექმნილი ციფრული ლაბორატორია და გენერალური პროკურატურის შენობაში განთავსებული, საერთაშორისო სტანდარტების მქონე ნივთიერი მტკიცებულებების საცავი დაათვალიერეს. შეხვედრის დასასრულს, მხარეები სამომავლო თანამშრომლობის კიდევ უფრო გაღრმავებაზე შეთანხმდნენ",- ნათქვამია გენერალური პროკურატურის ინფორმაციაში.
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



