|
2023-11-30 12:40:51, 736 ნახვა
საზოგადოება
შს მინისტრის მოადგილემ საერთაშორისო კონფერენციაში „გლობალური ალიანსი მიგრანტთა უკანონო გადაყვანის წინააღმდეგ ბრძოლა“ მიიღო მონაწილეობა
შინაგან საქმეთა მინისტრის მოადგილემ, ალექსანდრე დარახველიძემ მონაწილეობა მიიღო ბრიუსელში გამართულ საერთაშორისო კონფერენციაში „გლობალური ალიანსი მიგრანტთა უკანონო გადაყვანის წინააღმდეგ ბრძოლა“. შსს-ს ცნობით, საერთაშორისო კონფერენცია ევროკომისიის პრეზიდენტმა, ურსულა ფონ დერ ლაიენმა გახსნა, რომელმაც მთავრობებს მიგრანტთა უკანონო გადაყვანის პრევენციისკენ მიმართული ძალისხმევისა და აღნიშნული გამოწვევის საპასუხო ზომების გაძლიერებისკენ მოუწოდა. უწყების ინფორმაციით, ალექსანდრე დარახველიძემ თავის სიტყვაში ხაზი გაუსვა ევროატლანტიკური ინტეგრაციის, როგორც საქართველოს მთავრობის ერთ-ერთი ძირითადი პრიორიტეტის მნიშვნელობას. "მინისტრის მოადგილემ მადლობა გადაუხადა ევროკომისიას საქართველოსთვის კანდიდატის სტატუსის მინიჭებასთან დაკავშირებით გაცემული რეკომენდაციისთვის და კიდევ ერთხელ დაადასტურა საქართველოს მთავრობისა და კომპეტენციის ფარგლებში შინაგან საქმეთა სამინისტროს მზაობა შეასრულოს ევროკავშირის მიერ გაცემული რეკომენდაციები. მინისტრის მოადგილემ გამოსვლის ფარგლებში აღნიშნა, რომ უკანონო მიგრაცია მსოფლიოსთვის ერთ-ერთ სწრაფად მზარდ გამოწვევას წარმოადგენს. მინისტრის მოადგილემ მიმოიხილა საქართველოს მიერ უკანონო მიგრაციის წინააღმდეგ გატარებული ისეთი საპასუხო ქმედებები, როგორიცაა განხორციელებული საკანონმდებლო ცვლილებები, პოლიციის ატაშეების ქსელის ეფექტიანი საქმიანობა, Frontex-თან და Europol-თან არსებული ნაყოფიერი თანამშრომლობა და ევროკავშირთან რეადმისიის შეთანხმების ეფექტიანი განხორციელება. ალექსანდრე დარახველიძემ ხაზი გაუსვა სამინისტროს მზაობას, კიდევ უფრო გააძლიეროს პარტნიორებთან სამართალდაცვით სფეროში თანამშრომლობა უკანონო მიგრაციისა და მიგრანტთა უკანონოდ გადაყვანის წინააღმდეგ ბრძოლის კუთხით",- ნათქვამია უწყების ინფორმაციაში.
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



