|
2023-11-29 15:24:44, 921 ნახვა
საზოგადოება
დედოფლისწყაროს ბიოსფერული რეზერვატის ეკოსისტემების მართვის გაუმჯობესების მიზნით ახალი პროექტი განხორციელდება
დედოფლისწყაროს ბიოსფერული რეზერვატის ეკოსისტემების მართვის გაუმჯობესების მიზნით ახალი პროექტი განხორციელდება. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. უწყების ცნობით, პროექტის „დედოფლისწყაროს ბიოსფერული რეზერვატის დეგრადირებული ეკოსისტემების აღდგენა მდგრად განვითარებაზე ორიენტირებული პოლიტიკისა და ინვესტირების წახალისებით“ (GAZELLE) მოსამზადებელი ფაზის პირველ სამუშაო შეხვედრას გარემოს დაცვისა და სოფლის მეურნეობის მინისტრის მოადგილე იური ნოზაძე დაესწრო. „გასულ წელს, საქართველოში პირველად, UNESCO-მ „დედოფლისწყაროს ბიოსფერული რეზერვატი’’ და „სამი ალაზნის ბიოსფერული რეზერვატი“ აღიარა და ბიოსფერული რეზერვატების საერთაშორისო ნუსხაში შეიტანა. ძალიან დიდია ბიოსფერული რეზერვატების როლი ბუნების კონსერვაციისა და ქვეყანაში მდგრადი მიწათსარგებლობის ერთიანი პრაქტიკის დანერგვის პროცესში, რაც დადებითად აისახება ადგილობრივი მოსახლეობის კეთილდღეობაზე; თუმცა, აღნიშნული შედეგების მისაღწევად, უმნიშვნელოვანესია ამ ტერიტორიების ეფექტიანი მართვა და ფუნქციონირება. ახალი პროექტი დედოფლისწყაროს ბიოსფერული რეზერვატის მართვის სისტემის ჩამოყალიბებას, ბიომრავალფეროვნების კონსერვაციას, მიწის მდგრად მართვას და დეგრადირებული ეკოსისტემების აღდგენას ისახავს მიზნად“, - აღნიშნა გარემოს დაცვისა და სოფლის მეურნეობის მინისტრის მოადგილემ, იური ნოზაძემ. შეხვედრაზე დაინტერესებულმა მხარეებმა საქართველოში ბიომრავალფეროვნების დაცვისა და მიწის რესურსების მდგრადი მართვის მიმართულებით მიმდინარე აქტივობები და არსებული ინიციატივები განიხილეს. ახალი პროექტის მიზანია დედოფლისწყაროს ბიოსფერული რეზერვატის ბიომრავალფეროვნების შენარჩუნებასთან ერთად, მიწის მდგრადი მართვისა და დეგრადირებული ეკოსისტემების აღდგენის ხელშეწყობა. როგორც შეხვედრაზე აღინიშნა, საპროექტო დოკუმენტის მომზადებისა და პროექტის იმპლემენტაციის პროცესში, მაქსიმალურად იქნება უზრუნველყოფილი დაინტერესებული მხარეების ჩართულობა. პროექტი ინიცირებულია საქართველოს გარემოს დაცვისა და სოფლის მეურნეობის სამინისტროს მიერ. პროექტი ხორციელდება გლობალური გარემოსდაცვითი ფონდის (GEF) მხარდაჭერით, გაერთიანებული ერების გარემოსდაცვითი პროგრამა (UNEP) კავკასიის რეგიონულ გარემოსდაცვით ცენტრთან (RECC) თანამშრომლობით. სამუშაო შეხვედრას გარემოს დაცვისა და სოფლის მეურნეობის სამინისტროს, ადგილობრივი ხელისუფლებისა და არასამთავრობო ორგანიზაციების წარმომადგენლები ესწრებოდნენ. სრული პროექტი GEF‐ის სამდივნოს 2024 წლის მაისში უნდა წარედგინოს დასამტკიცებლად.
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



