|
2023-11-28 14:37:51, 734 ნახვა
საზოგადოება
ღვინის ეროვნული სააგენტო - ბუნებრივი ღვინის მოყვარულებს 2 დეკემბერს ქალაქი წყალტუბო უმასპინძლებს
ასოციაცია „ბუნებრივი ღვინო“ საზოგადოებას ბუნებრივი ღვინის ფესტივალ „ამერიმერ“-ზე იწვევს. ფესტივალი 2 დეკემბერს, იმერეთში, კერძოდ კი ქალაქ წყალტუბოში მდებარე სასტუმრო Legends Tskaltubo Spa Resort-ში გაიმართება. აღნიშნულის შესახებ ინფორმაციას ღვინის ეროვნული სააგენტო ავრცელებს. სააგენტოს ცნობით, ფესტივალ „ამერიმერს“ ასოციაცია „ბუნებრივი ღვინო“, საქართველოს ღვინის ეროვნულ სააგენტოსთან თანამშრომლობით, ტრადიციულად, დასავლეთ საქართველოში ატარებს. „ეს მასშტაბური ღონისძიება 2023 წელს უკვე მეოთხედ ჩატარდება და სტუმრებს საქართველოს სხვადასხვა კუთხეში დაყენებულ ღვინოებს შესთავაზებს. ფესტივალში, მონაწილეობას მიიღებს ათეულობით მცირე მარანი, რომლებიც ასოციაცია „ბუნებრივი ღვინის“ წევრები არიან და ღვინოს მხოლოდ და მხოლოდ ბუნებრივი მეღვინეობის წესების სრული დაცვით აყენებენ. ბუნებრივი ღვინის საიდუმლო ორგანული წესების დაცვით მოვლილი ვენახებშია, სადაც არ გამოიყენება ჰერბიციდები, სისტემური პრეპარატები და მინერალური სასუქები, რაც შემდგომში უარყოფით ზეგავლენას ახდენს ღვინოზე. სწორედ ამ მაქსიმალურად სუფთა ნედლეულისგან აყენებენ ღვინოს ასოციაციის წევრები, რომლებიც მარანში პრინციპულად არ იყენებენ ისეთ დამხმარე საშუალებებს და მეთოდებს, როგორიცაა: სელექციური საფუარი, გამწებავი საშუალებები, პასტერიზაცია, ღვინის მჟავები, ტანინები თუ სხვა მსგავსი ინდუსტრიული დანამატები. ისევ როგორც წინა წლებში, ფესტივალს ამჯერადაც ესტუმრებიან როგორც ქართველი, ასევე უცხოელი ღვინის ექსპერტები, იმპორტიორები და რესტორატორები. მისამართი: ქალაქი წყალტუბო, რუსთაველის ქუჩა N23. სასტუმრო Legends Tskaltubo Spa Resort. ფესტივალის მიმდინარეობის დრო: 2 დეკემბერი. 2023 წელი.12:00-დან 18:00 საათამდე. 12 წლამდე პირებს არ სჭირდებათ ბილეთი",- აღნიშნულია ინფორმაციაში.
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



