|
2023-11-28 10:49:39, 668 ნახვა
საზოგადოება
საქართველოს თავდაცვის მინისტრი აზერბაიჯანში სამმხრივ მინისტერიალში მონაწილეობს
საქართველოს თავდაცვის მინისტრი ვიზიტით აზერბაიჯანში იმყოფება. ჯუანშერ ბურჭულაძე თავდაცვის მინისტრების დონეზე აზერბაიჯანი-თურქეთი-საქართველოს სამმხრივ მინისტერიალში მონაწილეობს. ამის შესახებ ინფორმაციას თავდაცვის სამინისტრო ავრცელებს. უწყების ცნობით, თავდაცვის მინისტრებმა შეხვედრაზე რეგიონისა და გლობალური უსაფრთხოების საკითხები განიხილეს. "აღინიშნა, რომ ეფექტიანი რეგიონული თანამშრომლობა მნიშვნელოვანია უსაფრთხოების, სტაბილურობისა და მდგრადი განვითარებისთვის. საქართველომ კიდევ ერთხელ დაადასტურა მზაობა, წვლილი შეიტანოს სამხრეთ კავკასიის მშვიდობისა და სტაბილურობის განმტკიცებაში. ჯუანშერ ბურჭულაძემ სიტყვით გამოსვლისას სამმხრივი თანამშრომლობის ფორმატის მნიშვნელობას და ეფექტიანობას გაუსვა ხაზი, მათ შორის აღნიშნა სტრატეგიული დონის და ექსპერტთა დონის შეხვედრები, ასევე ერთობლივი წვრთნები და სწავლებები, რაც კიდევ უფრო აძლიერებს სამხედროებს შორის ურთიერთთავსებადობას. მან იმედი გამოთქვა, რომ სხვადასხვა ღონისძიებების წარმატებით განხორციელება მომავალშიც გაგრძელდება. მინისტრმა 8 ნოემბერს ევროკომისიის მიერ საქართველოსთვის ევროკავშირის წევრობის კანდიდატის სტატუსის მინიჭების შესახებ გაცემულ ისტორიულ რეკომენდაციაზე ისაუბრა, რაც ხელს შეუწყობს ქვეყნის ევროინტეგრაციის პროცესს. ჯუანშერ ბურჭულაძემ თავდაცვის სისტემის რეფორმირების და განვითარების ძირითად მიმართულებებზეც ისაუბრა. ასევე, მან კოლეგებს თავდაცვის კოდექსით გათვალისწინებული სიახლეები გააცნო. შეხვედრის დასრულების შემდეგ სამი ქვეყნის თავდაცვის მინისტრებმა სხდომის ოქმს მოაწერეს ხელი და ერთობლივი განცხადებები გააკეთეს. მინისტერიალის ფარგლებში ჯუანშერ ბურჭულაძემ აზერბაიჯანელ და თურქ კოლეგებთან - გენერალ-პოლკოვნიკ ზაქირ ჰასანოვთან და იაშარ გიულერთან ორმხრივი შეხვედრებიც გამართა",- ნათქვამია უწყების ინფორმაციაში.
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



