|
2023-11-22 15:48:06, 772 ნახვა
საზოგადოება
ოდიშარია - ჩემპიონატზე საქართველოს ნაკრები საუკეთესო 8 გუნდში გავიდა, რაშიც დიდი წვლილი ფედერაციის და გუნდის გარდა მიუძღვის გულშემატკივარს
გავიხსენოთ რა კეთდება წლების განმავლობაში ფეხბურთში, ამდენი ინფრასტრუქტურული პროექტი , მოედნების მშენებლობა ,როგორ ვუმასპინძლეთ 21 წლამდე ევროპის ჩემპიონატს, ჩემპიონატზე საქართველოს ნაკრები საუკეთესო 8 გუნდში გავიდა, რაშიც დიდი წვლილი ფედერაციის და გუნდის გარდა მიუძღვის გულშემატკივარს, სწორედ ამ ერთიანობის შედეგია ის რომ, 1 ნაბიჯი გვაკლია ევროპის ჩემპიონატზე გასვლამდე, რაც აქამდე არასოდეს ყოფილა, - ამის შესახებ პარლამენტის დიასპორისა და კავკასიის საკითხთა კომიტეტის თავმჯდომარე ბექა ოდიშარია სოციალურ ქსელში წერს. ოდიშარიას თქმით, საქართველოს ფეხბურთის ფედერაცია, უკანასკნელი წლების განმავლობაში მაღალორგანიზებული ორგანიზაციაა, რომელიც ყველაფერს აკეთებს, რომ ფეხბურთელებისათვის კომფორტი შექმნას. მისივე თქმით, ნამდვილი გულშემატკივრები აგრძელებენ საკუთარი გუნდის ქომაგობას რა შემადგენლობითაც არ უნდა გამოვიდეს ის მომდევნო ძალიან მნიშვნელოვან თამაშზე. „სამწუხაროა, რომ ყველანი ერთად უცნაურ გულშემატკივრებად ჩამოვყალიბდით. რამდენიმე მსოფლიო ჩემპიონატზე გახლდით. ევროპული გრანდების არაერთ მატჩს დავსწრებივარ საერთაშორისო ტურნირებზე. ბევრი რამ მინახავს, ბევრი ქვეყნისა და ერის გულშემატკივარს ჩავხედე თვალებში. მათ შორის, ალბათ, ყველაზე დასამახსოვრებელი იყო ბრაზილიელთა გულშემატკივრობა 2014 წლის ჩემპიონატზე, სადაც მასპინძლები მარაკანაზე 1:7 დამარცხდნენ გერმანიის ეროვნულ ნაკრებთან. არ დამავიწყდება ჩემი გაოცება, რომ გულშემატკივარი ტაშით აცილებდა თავის გუნდს, მაშინ როდესაც, არც თოთო ბავშვს და არც ღრმად მოხუცს ეჭვი არ ეპარებოდა იმაში, რომ მათი ეროვნული გუნდი გახდებოდა მსოფლიო ჩემპიონი. რა გვჭირს?! კვარა არ დადგა თამაშზე- ვაგინებთ კვარას, კვარამ ითამაშა, მიიღო ყვითელი- ვაგინებთ ფედერაციას. ასეთი დამოკიდებულება გვაქვს სხვადასხვა მიმართულებითაც… მოხდა ადამიანური შეცდომა, მივუტევოთ და გავიხსენოთ რა კეთდება წლების განმავლობაში ფეხბურთში…. ამდენი ინფრასტრუქტურული პროექტი, მოედნების მშენებლობა, როგორ ვუმასპინძლეთ 21 წლამდე ევროპის ჩემპიონატს, ჩემპიონატზე საქართველოს ნაკრები საუკეთესო 8 გუნდში გავიდა… რაშიც დიდი წვლილი ფედერაციის და გუნდის გარდა მიუძღვის გულშემატკივარს, სწორედ ამ ერთიანობის შედეგია ის რომ 1 ნაბიჯი გვაკლია ევროპის ჩემპიონატზე გასვლამდე, რაც აქამდე არასოდეს ყოფილა. ფეხბურთი არის ის, რაც გვაერთიანებს ყველას, დიდსა თუ პატარას, ქალსა თუ კაცს. მოდი შევეცადოთ, რომ ხელი ჩავჭიდოთ ერთმანეთს და გავერთიანდეთ, ჩვენი ეროვნული ნაკრების ირგვლივ, ქართული ფეხბურთის ირგვლივ. ვუგულშემატკივროთ ისე, როგორც ამას აკეთებენ ნამდვილი გულშემატკივრები. საქართველოს ფეხბურთის ფედერაცია, უკანასკნელი წლების განმავლობაში არის მაღალორგანიზებული ორგანიზაცია, ეს არის ამჟამინდელი ხელმძღვანელობა თუ წინა ხელმძღვანელობა. ისინი ყველაფერს აკეთებენ და აკეთებდნენ იმისათვის, რომ ფეხბურთელებისათვის შეექმნათ კომფორტი. შესაბამისად, მინდა მწამდეს და მწამს კიდეც, ჩემი მოკრძალებული აზრით, რომ ნამდვილი გულშემატკივრები აგრძელებენ საკუთარი გუნდის ქომაგობას რა შემადგენლობითაც არ უნდა გამოვიდეს ის მომდევნო ძალიან მნიშვნელოვან თამაშზე. ჩვენ მხარს ვუჭერთ ლევან კობიაშვილს, ალექსანდრე იაშვილს, დავით მუჯირს და მთლიანად ფეხბურთის ფედერაციას. საინტერესო და ნაყოფიერ საქმიანობას, წარმატებას და ზურგის ქარს ვუსურვებ მათ“, - წერს ოდიშარია "ფეისბუქზე".
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



