|
2023-11-17 16:24:34, 718 ნახვა
საზოგადოება
ბრეგაძე - პენიტენციური კოდექსის მიღების შემდგომ ყველა სახის პაემანი გახდება სრულიად უფასო
პენიტენციური კოდექსის მიღების შემდგომ ყველა სახის პაემანი გახდება სრულიად უფასო, მოსამსახურეები თანამდებობრივი და წოდებრივი სარგოს გარდა, მიიღებენ წელთა ნამსახურობის დანამატს, - ამის შესახებ იუსტიციის მინისტრმა, რატი ბრეგაძემ პარლამენტში მინისტრის საათის ფორმატში გამოსვლისას განაცხადა. ბრეგაძის თქმით, ახალი კოდექსის მიღების შემდეგ ყველა სახის პაემანი გახდება სრულიად უფასო, ბრალდებულს მიენიჭება ხანგრძლივი პაემნის უფლება; გათანაბრდება ბრალდებულთა და მსჯავრდებულთა საცხოვრებელი პირობები; პენიტენციური სამსახურის ყველა დანაყოფს მიენიჭება სპეციალური სტატუსი, რაც თითოეული თანამშრომლის შრომით პირობებს გაათანაბრებს და გააუმჯობესებს; პენიტენციურ სისტემაში გაფართოვდება სპეციალური წოდების მქონე პირთა წრე და მოსამსახურეები თანამდებობრივი და წოდებრივი სარგოს გარდა, მიიღებენ წელთა ნამსახურობის დანამატს. „პენიტენციური კოდექსის მიღების შემდგომ ბრალდებულს მიენიჭება ხანგრძლივი პაემნის უფლება, ყველა სახის პაემანი გახდება სრულიად უფასო, რაც ძალიან დიდი დახმარება არის მსჯავრდებულებისათვის; გათანაბრდება ბრალდებულთა და მსჯავრდებულთა საცხოვრებელი პირობები. ასევე, პენიტენციური სამსახურის ყველა დანაყოფს მიენიჭება სპეციალური სტატუსი, რაც თითოეული თანამშრომლის შრომის პირობებს გააუმჯობესებს და გაათანაბრებს ერთმანეთთან; მოსამსახურეები თანამდებობრივი და წოდებრივი სარგოს გარდა მიიღებენ წელთა ნამსახურობის დანამატს“, - განაცხადა ბრეგაძემ. იუსტიციის მინისტრის განცხადებით, პენიტენციური კოდექსი სამოქალაქო საზოგადოების აქტიური ჩართულობით შემუშავდა. „კოდექსი შემუშავებული იყო სამოქალაქო საზოგადოების აქტიური ჩართულობით და, მათ შორის, მის შემუშავებაში მონაწილეობას იღებდა სახალხო დამცველის აპარატი და, პირდაპირ გეტყვით იმასაც, რომ არავინ ელოდა, რომ ასეთ მოკლე პერიოდში შესაძლებელი იქნებოდა კოდექსის ამ პროექტის შემუშავება. თუმცა, სულ რაღაც 4 თვეში ჩვენ ამ პროექტზე მუშაობა დავასრულეთ და, ამავდროულად, 90%-ზე მეტი რეკომენდაციებისა, რომლებიც ჰქონდა როგორც არასამთავრობო ორგანიზაციებს, ისე სხვა დაინტერესებულ პირებს და, მათ შორის, სახალხო დამცველსაც, იყო ასახული. მინდა, შევახსენო იმ ადამიანებს, რომლებიც სკეპტიკურად იყვნენ განწყობილნი ამის მიმართ, რომ ჩვენ ჩვენი დანაპირები კიდევ ერთხელ შევასრულეთ“, - დასძინა ბრეგაძემ.
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



