|
2023-11-10 13:18:01, 850 ნახვა
საზოგადოება
დარახველიძე გინტურის მკვლელობაზე - ვატარებთ საგამოძიებო მოქმედებებს, რომ დადგინდეს, რა მოხდა და ვისი ბრალეულობა იყო
ვატარებთ ყველა საჭირო საგამოძიებო მოქმედებას იმისთვის, რომ მოხდეს დადგენა, ზუსტად რა მოხდა და ვისი ბრალეულობა იყო, - ამის შესახებ შინაგან საქმეთა მინისტრის მოადგილემ, ალექსანდრე დარახველიძემ სოფელ კირბალში, რუსი ოკუპანტების მიერ მოკლულ თამაზ გინტურზე საუბრისას განაცხადა. დარახველიძის თქმით, გამოძიების ფარგლებში უკვე გამოკითხა რუსეთის საოკუპაციო ძალების უკანონო პატიმრობიდან გათავისუფლებული ლევან დოთიაშვილიც. "ჩვენ ვატარებთ ყველა საჭირო საგამოძიებო მოქმედებას იმისთვის, რომ მოხდეს დადგენა, ზუსტად რა მოხდა, ვისი ბრალეულობა იყო. ბუნებრივია, ვატარებთ შესაბამისს საგამოძიებო მოქმედებებს, ექსპერტიზებს, ასევე მოხდა გასაუბრება გუშინ გადმოცემულ პირთან. ყველაფერს ვაკეთებთ იმისთვის, რომ როგორც მოწმეთა ჩვენებებით, ასევე იმ მტკიცებულებებით, რაც შეიძლება ამ საქმეზე შეიკრიბოს, დავადგინოთ ადამიანები, ვინც ეს უმძიმესი დანაშაულები ჩაიდინა. ჩვენ ჩავატარეთ მასთან [ლევან დოთიაშვილი] შესაბამისი გამოკითხვა, მოგვაწოდა ინფორმაცია და ბუნებრივია, ამ მიმართულებით გაგრძელდება მუშაობა", - განაცხადა დარახველიძემ. შეგახსენებთ, 6 ნოემბერს სოფელ კირბალის მიმდებარედ, რუსეთის საოკუპაციო ძალების წარმომადგენლებმა საქართველოს მოქალაქე თამაზ გინტური მოკლეს, კიდევ ერთი მოქალაქე ლევან დოთიაშვილი კი გაიტაცეს. რუსი ოკუპანტების მიერ საქართველოს მოქალაქის მკვლელობისა და გატაცების ფაქტებზე შინაგან საქმეთა სამინისტრომ გამოძიება საქართველოს სისხლის სამართლის კოდექსის 109-ე და 143-ე მუხლებით დაიწყო, რაც განზრახ მკვლელობასა და თავისუფლების უკანონო აღკვეთას გულისხმობს. 8 ნოემბერს, ოკუპანტების მიერ მოკლული თამაზ გინტურის ძმამ, ნიკოლოზ გინტურმა ძმის სავარაუდო მკვლელები დაასახელა. ნიკოლოზ გინტურის ინფორმაციით, სავარაუდო მკვლელები ვასილ დემიდოვი და ნიკოლაი იშჩენკო არიან. ამასთან, უკანონო პატიმრობაში მყოფი დოთიაშვილი გუშინ, 9 ნოემბერს გაათავისუფლეს.
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



