|
2023-11-08 12:12:05, 674 ნახვა
საზოგადოება
ქართული ღვინო შანხაიში, საერთაშორისო იმპორტის ყველაზე მასშტაბურ გამოფენაზეა წარმოდგენილი
საქართველოს გარემოს დაცვისა და სოფლის მეურნეობის მინისტრმა ოთარ შამუგიამ ჩინეთის სახალხო რესპუბლიკის ქალაქ შანხაიში მიმდინარე ჩინეთის საერთაშორისო იმპორტის ყველაზე მასშტაბურ გამოფენაზე ქართული ღვინის სტენდი დაათვალიერა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. უწყების ცნობით, საქართველოს ეკონომიკის სამინისტროს ,,აწარმოე საქართველოში“ ორგანიზებით, მიმდინარე წლის 5-10 ნოემბერს, ჩინეთის სახალხო რესპუბლიკაში, ქ. შანხაიში, ქართული კომპანიები ერთ-ერთ ყველაზე მასშტაბურ საერთაშორისო გამოფენაში China International Import Expo (CIIE) იღებენ მონაწილეობას. საქართველო აღნიშნულ გამოფენაზე წარმოდგენილია სასურსათო პროდუქტებისა და საფეიქრო ინდუსტრიის (ე.წ. Consumer Goods) პავილიონებში. ღვინის ეროვნული სააგენტოს ორგანიზებით, ქართული საექსპორტო პროდუქტების სტენდზე მნიშვნელოვანი ადგილი დაეთმო ქართული ღვინის კუთხეს, სადაც საკუთარ პროდუქციას 15-მდე ღვინისა და ალკოჰოლური სასმელების მწარმოებელი კომპანია წარადგენს. „მისასალმებელია, რომ ადგილობრივი პროფესიონალები და ღვინით დაინტერესებული ადამიანები დიდ ყურადღებას აქცევენ ქართული ღვინის მრავალსაუკუნოვან ისტორიას. ეს ჩვენ საკუთარი თვალით ვიხილეთ. გარემოს დაცვისა და სოფლის მეურნეობის სამინისტრომ და ღვინის ეროვნულმა სააგენტომ აქტიური მარკეტინგული ღონისძიებები ჩინეთის ბაზარზე 2013 წლიდან დაიწყო. ამჟამად, ჩინეთში 40-მდე ქართული ღვინის სახლი, მაღაზია და სალონი მოქმედებს, ხოლო ღვინის ექსპორტს 90-მდე ქართული ღვინის კომპანია ახორციელებს“, - განაცხადა ოთარ შამუგიამ. გამოფენაზე საქართველო წარმოდგენილია ორ ლოკაციაზე: საექსპორტო პროდუქტების სტენდი და ქვეყნის პავილიონი (Country Pavilion), სადაც წარმოდგენილია სხვადასხვა უწყება, მათ შორის ღვინის ეროვნული სააგენტო, რომლებიც ვიზიტორებს მათი კომპეტენციის სფეროში არსებულ ყველა პროდუქტს აცნობენ.
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



