ქედის მუნიციპალიტეტის სოფელ დანდალოს საჯარო სკოლაში დავით ავალიანის ხსოვნისადმი მიძღვნილი ღონისძიება გაიმართა. ამის შესახებ ინფორმაციას ქედის მერია ავრცელებს.

მერიის ცნობით, დავით ავალიანის ხსოვნისადმი მიძღვნილი შეჯიბრი სკოლებს შორის ფრენბურთში გაიმართა, რომელშიც მუნიციპალიტეტის 5 საჯარო სკოლა ღებულობდა მონაწილეობას. 

"პირველობა კვლავ არავის დაუთმო დანდალოს საჯარო სკოლის გუნდმა და დაძაბულ თამაშში დიდი ანგარიშით გაიმარჯვა. საპრიზო ადგილზე გასული გუნდები თასითა და სიგელებით დასაჩუქრდნენ.

ღონისძიებას მუნიციპალიტეტის მერი როლანდ ბერიძე, ქედის რესურსცენტრის უფროსი დურმიშხან შავიშვილი, ა(ა)იპ ქედის სასპორტო სკოლის ხელმძღვანელი მანუჩარ ჯიჯავაძე და დანდალოს ადმინისტრაციული ერთეულის წარმომადგენელი ანზორ გოგიაშვილი ესწრებოდა. 

დავით ავალიანი სოფელ დანდალოს საჯარო სკოლაში მრავალი წლის განმავლობაში სპორტის მასწავლებელი იყო, რომელმაც სკოლას არაერთი ჯილდო და წარმატება მოუტანა",- ნათქვამია ქედის მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

ლე პენი აცხადებს, რომ მზადაა ზელენსკის ბრიუსელში შეხვდეს

Bloomberg: პუტინმა ნატოს შემცირება აშშ-სთან უკრაინასთან დაკავშირებული მოლაპარაკებების პირობად დაასახელა.

სალომე ზურაბიშვილი - ოცნებამ პოლიტიკური ცხოვრება ამ ქვეყანაში უკვე გააუქმა

ევა გოცირიძე ნიკა გვარამიას - ირღვეოდა თუ არა 2004-2012 წლებში ადამიანის უფლებები და იყო თუ არა ამაზე პასუხისმგებელი ენმ?