2023-10-30 23:58:46, 633 ნახვა
მსოფლიო
პუტინი - ახლო აღმოსავლეთში განვითარებული მოვლენების უკან დასავლეთი დგას
ახლო აღმოსავლეთში განვითარებული მოვლენების უკან დასავლეთი დგას, - ამის შესახებ რუსეთის პრეზიდენტმა, ვლადიმერ პუტინმა განაცხადა.
პუტინის თქმით, აშშ-ს სურს მუდმივი ქაოსი ახლო აღმოსავლეთში. რის გამოც "ისინი ყველაფერს აკეთებენ იმ ქვეყნების დისკრედიტაციისთვის, რომლებიც დაჟინებით მოითხოვენ ცეცხლის დაუყოვნებლივ შეწყვეტას ღაზას სექტორში".
„მკაფიოდ უნდა გავარკვიოთ, ვინ დგას რეალურად ახლო აღმოსავლეთისა და მსოფლიოს სხვა რეგიონების ხალხის ტრაგედიის უკან, ვინ აწყობს სასიკვდილო ქაოსს და ვინ სარგებლობს ამით. დღეს, ჩემი აზრით, ეს უკვე ყველასთვის ცხადი და გასაგები გახდა. სწორედ შეერთებული შტატების ამჟამინდელი მმართველი ელიტა და მათი სატელიტები არიან გლობალური არასტაბილურობის მთავარი ბენეფიციარები“, - განაცხადა პუტინმა.
ავტორი: ექსპრესნიუსი,
epn.ge (@expressnews.ge)
