|
2023-10-25 17:39:12, 729 ნახვა
საზოგადოება
ტყვიით მოწამვლის პრევენციის კვირეულის ფარგლებში, ტყვიის წინააღმდეგ ბრძოლის შემაჯამებელი შეხვედრა გაიმართა
ტყვიით მოწამვლის პრევენციის კვირეულის ფარგლებში, სასტუმრო რუმს ბათუმში, ტყვიის წინააღმდეგ ბრძოლის შემაჯამებელი შეხვედრა გაიმართა. ამის შესახებ ინფორმაციას აჭარის ჯანდაცვის სამინისტრო ავრცელებს. უწყების ცნობით, შეხვედრას აჭარის ჯანმრთელობისა და სოციალური დაცვის მინისტრი, ნინო ნიჟარაძე, პირველი მოადგილე, მარი ზანაქიძე, UNICEF-ის წარმომადგენელი საქართველოში, იესპერ მოლერი, აჭარის უმაღლესი საბჭოს ჯანმრთელობისა და სოციალურ საკითხთა კომისიის თავმჯდომარე, ილია ვერძაძე, დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილე, ეკატერინე ადამია, აჭარის საზოგადოებრივი ჯანდაცვის ცენტრის წარმომადგენლები, უცხოელი ექსპერტები, პედიატრები და პირველადი ჯანდაცვის ცენტრების წარმომადგენლები ესწრებოდნენ. ,,საკითხი პრიორიტეტული და მნიშვნელოვანია ქვეყნისთვის, განსაკუთრებით, ჩვენი რეგიონისთვის, რადგან ჩატარებული კვლევების შედეგად აჭარაში ტყვიის მაღალი მაჩვენებელი დაფიქსირდა. მრავალინდიკატორული კლასტერული კვლევის შემდეგ, საქართველოში დაიწყო ტყვიის კვლევის სახელმწიფო პროგრამა 7 წლამდე ასაკის ბავშვებში, პარალელურად აჭარის საზოგადოებრივი ჯანდაცვის ცენტრმა დაიწყო მოსაზღვრე ასაკობრივი ჯგუფების სკრინინგი, ასევე ორსული და მეძუძური ქალების კვლევა. მიმდინარე წელს კი დაემატა ოჯახური გარემოს შესწავლა, რაც განსაკუთრებით მნიშვნელოვანია ექსპოზიციის წყაროს დადგენის თვალსაზრისით და პრევენციის შემდგომი ეტაპის განსაზღვრისათვის. სამინისტრო ამჟამად იმყოფება მომდევნო წლის ბიუჯეტის დაგეგმვის პროცესში და გვაქვს შესაძლებლობა, გავითვალისწინოთ საკითხის ირგვლივ ექსპერტების მოსაზრებები“, - აღნიშნა სიტყვით მისალმებისას მინისტრმა, ნინო ნიჟარაძემ. დამატებით აჭარასა და იმერეთში ხორციელდება ტყვიის ზედამხედველობის სისტემის დანერგვის პილოტური პროექტი, აჭარაში კვლევის პროცესში ჩართულია 16 ეპიდემიოლოგი და 12 სამედიცინო დაწესებულება. პროექტის ფარგლებში კვლევა ხორციელდება კაპილარული სისხლის მეშვეობით. "აჭარის საზოგადოებრივი ჯანდაცვის ცენტრის ხელმძღვანელმა და მოადგილემ წარმოადგინეს ინფორმაცია ადგილობრივი ბიუჯეტის ფარგლებში მიმდინარე ტყვიის ზედამხედველობის პროგრამების შესახებ. შეხვედრაზე, ასევე განიხილეს NCDC შინამეურნეობების კვლევის მიმდინარეობა, ნორვეგიის უნივერსიტეტის მონაწილეობით აჭარაში ჩატარებული კვლევის შედეგები", - ნათქვამია აჭარის ჯანდაცვის სამინისტროს მიერ გავრცელებულ ინფორმაციაში.
ილონ მასკი ტრამპთან ერთად ჩინეთში Air Force One-ით გაემგზავრება
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



