|
2023-10-16 15:53:53, 692 ნახვა
საზოგადოება
თავდაცვის სამინისტროს ორგნიზებით „ინტერმარიუმ კიბერუსაფრთხოების ფორუმი 2023“ გაიმართა
საქართველოს თავდაცვის სამინისტროს სსიპ „კიბერუსაფრთხოების ბიუროს“ ორგანიზებით საერთაშორისო კონფერენცია „ინტერმარიუმ კიბერუსაფრთხოების ფორუმი 2023“ გაიმართა. აღნიშნულის შესახებ ინფორმაციას საქართველოს თავდაცვის სამინისტრო ავრცელებს. თავდაცვის სამინისტროს ცნობით, მიმდინარე წლის კონფერენციის მთავარ თემას „ნივთების ინტერნეტი (IoT) და სამხედრო სფერო“ წარმოადგენდა. ღონისძიება საქართველოს თავდაცვის მინისტრის მოადგილემ, დავით სუჯაშვილმა გახსნა და თავდაცვის სფეროში თანამედროვე მდგრადი კიბერუსაფრთხოების სისტემების მნიშვნელობასა და მათი გაძლიერების აუცილებლობაზე ისაუბრა. მისი განცხადებით, საქართველო, როგორც ევროპული უსაფრთხოების არქიტექტურის განუყოფელი ნაწილი, კიბერუსაფრთხოების კუთხით დასავლელი პარტნიორების საუკეთესო პრაქტიკას იზიარებს. მან „ინტერმარიუმ კიბერუსაფრთხოების ფორუმი“ რეგიონულ პლატფორმად განიხილა და ღონისძიების ორგანიზების საქმეში ევროკავშირისა და ნატოს მხარდაჭერის როლი ხაზგასმით აღნიშნა. „მინისტრის მოადგილის განცხადებით, კიბერუსაფრთხოების სფეროს განვითარებისთვის არაერთი მნიშვნელოვანი რეფორმა განხორციელდა. აქტიურად მიმდინარეობს მუშაობა კვალიფიციური ახალგაზრდების მოზიდვაზე, რომლებიც კიბერუსაფრთხოების სამხედრო ოფიცრებად ჩამოყალიბდებიან და კიბერსარდლობას დააკომპლექტებენ. ფორუმის მონაწილეებს ასევე სიტყვით მიმართეს კიბერუსაფრთხოების ბიუროს დირექტორმა, ლუკა მგელაძემ, ევროკავშირის ელჩმა პაველ ჰერჩინსკიმ და ნატო-ს სამეკავშირეო ოფისის ხელმძღვანელმა, ალექსანდრე ვინიკოვმა. კონფერენციის ფარგლებში განსაკუთრებული ყურადღება დაეთმო კიბერუსაფრთხოების შემდეგ აქტუალურ საკითხებს: ხელოვნური ინტელექტი და სამხედრო სფერო, ღრუბლოვანი გამოთვლები თავდაცვასა და უსაფრთხოებაში, ნივთების ინტერნეტის გამოყენება თანამედროვე კონფლიქტებში, კრიტიკული ინფრასტრუქტურის გაციფრულება, და კიბერსაფრთხეების ანალიზი და ინფორმაციის გაზიარება. საქართველო ფორუმს უკვე მეოთხე წელია მასპინძლობს. ღონისძიების ერთ-ერთ მთავარ მიზანს საქართველოსა პარტნიორ ქვეყნებს შორის კიბერუსაფრთხოების მიმართულებით თანამშრომლობის გაღრმავება და გამოცდილების გაზიარება წარმოადგენს“,- აღნიშნულია ინფორმაციაში.
ილონ მასკი ტრამპთან ერთად ჩინეთში Air Force One-ით გაემგზავრება
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



