2023-10-13 17:52:20, 778 ნახვა
მსოფლიო
შოლცი - გერმანიაში დაისჯება ყველა, ვინც „ჰამასის“ ქმედებებს მხარს დაუჭერს
გერმანიაში დაისჯება ყველა, ვინც "ჰამასის" ქმედებებს გაამართლებს, დანაშაულებრივ აქტივობებს მხარდაჭერას გამოუცხადებს, დაწვავს ისრაელის დროშებს და ტერორისტული დაჯგუფების სიმბოლოებს გამოიყენებს,- ამის შესახებ გერმანიის კანცლერმა, ოლაფ შოლცმა ბუნდესტაგში სიტყვით გამოსვლისას განაცხადა.
შოლცმა სამართალდამცავ ორგანოებს მოუწოდა, ქვეყნის კონსტიტუციით გათვალისწინებული პასუხისმგებლობა დააკისრონ ყველას, ვინც "ჰამასს" მხარს დაუჭერს.
გერმანიის კანცლერის ეს განცხადება ბერლინიდან გავრცელებულ ფოტოებს მოჰყვა, სადაც ასახული იყო, როგორ აღნიშნავდნენ ადამიანები ისრაელზე "ჰამასის" თავდასხმას.
"ეს ეწინააღმდეგება ყველა იმ ღირებულებას, რომლის ერთგულიცაა ჩვენი ქვეყანა", - განაცხადა შოლცმა.
ავტორი: ექსპრესნიუსი,
epn.ge (@expressnews.ge)
