2023-10-13 14:21:12, 761 ნახვა

---

კონგრესის სტრატეგიული კომუნიკაციების კომისიის მოხსენების მიხედვით, აშშ რუსეთთან და ჩინეთთან შესაძლო ერთდროული ომისთვის უნდა მოემზადოს

ამერიკის შეერთებული შტატები რუსეთთან და ჩინეთთან შესაძლო ერთდროული ომისთვის უნდა მოემზადოს,- Reuters-ის ცნობით, ამის შესახებ აშშ-ის კონგრესის სტრატეგიული კომუნიკაციების კომისიის მოხსენებაშია ნათქვამი.

მოხსენებაში აღნიშნულია, რომ აშშ-მ უნდა გააფართოოს ძალები, გააძლიეროს ალიანსები და დაიწყოს ბირთვული იარაღის მოდერნიზაციის პროგრამის გაძლიერება.

მოხსენებაში ჩართულმა მაღალჩინოსანმა უარი თქვა, ესაუბრა საკითხზე - არსებობს თუ არა აშშ-სა და ჩინეთს შორის ბირთვული იარაღის გამოყენებასთან დაკავშირებით რამე ტიპის თანამშრომლობა.

„ჩვენ ვწუხვართ. შესაძლოა, იყოს მათ შორის საბოლოო კოორდინაცია, რომელიც მიგვიყვანს ამ ორი ომის კონსტრუქციამდე“,- განაცხადა მაღალჩინოსანმა.

მოხსენება ეწინააღმდეგება აშშ-ის პრეზიდენტის, ჯო ბაიდენის პოზიციას, რომ შეერთებული შტატების ამჟამინდელი ბირთვული არსენალი საკმარისია რუსეთისა და ჩინეთის გაერთიანებული ძალების შესაჩერებლად.

„აშშ და მისი მოკავშირეები მზად უნდა იყვნენ ორივე მოწინააღმდეგის ერთდროულად შეკავებისა და დამარცხებისთვის. აშშ-ის ხელმძღვანელობით საერთაშორისო წესრიგი და მის მიერ დაცული ფასეულობები საფრთხეშია ჩინეთისა და რუსეთის ავტორიტარული რეჟიმებისგან",- აღნიშნულია მოხსენებაში.

კონგრესმა 2022 წელს შექმნა პანელი ექვსი "დემოკრატისა" და ექვსი "რესპუბლიკელისგან", რათა შეაფასოს შეერთებული შტატების გრძელვადიანი საფრთხეები და რეკომენდაცია გაუწიოს აშშ-ის ჩვეულებრივ და ბირთვულ ძალებში ცვლილებების შეტანას.

"ჩინეთისა და რუსეთისგან მომდინარე საფრთხეები 2027-2035 წლეებში გამწვავდება, ამიტომ, გადაწყვეტილების მიღება საჭიროა ახლა, რათა ქვეყანა იყოს მომზადებული“,- ნათქვამია 145-გვერდიან მოხსენებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი