2023-10-12 14:14:53, 672 ნახვა
მსოფლიო
ისააკ ჰერცოგი - მგლოვიარე ისრაელი „ჰამასის“ წინააღმდეგ ხანგრძლივი სამხედრო კამპანიისთვის ემზადება
ისრაელის პრეზიდენტი ისააკ ჰერცოგი აცხადებს, რომ ისრაელი ღაზას სექტორში "ჰამასის" წინააღმდეგ ფართომასშტაბიანი სამხედრო კამპანიისთვის ემზადება. ამის შესახებ ინფორმაციას The Times of Israel ავრცელებს.
ისააკ ჰერცოგმა იერუსალიმში, პრეზიდენტის რეზიდენციაში გამართულ ბრიფინგზე ჟურნალისტებს გატაცებული ბავშვებისა და ჩვილების ფოტოები აჩვენა და თქვა, რომ "ჰამასმა" ჰოლოკოსტს გადარჩენილთა ოჯახები გაანადგურა.
"მგლოვიარე ისრაელი ემზადება "ჰამასის" წინააღმდეგ ხანგრძლივი სამხედრო კამპანიისთვის. ჩემი ერი გლოვობს. ამ ტრაგედიამ თითქმის ყველა ოჯახი დააზარალა ისრაელში. ეს იქნება ხანგრძლივი კამპანია "ჰამასის" წინააღმდეგ, რაც ხანგრძლივი ბრძოლაა ISIS-ის წინააღმდეგ",- განაცხადა პრეზიდენტმა.
ავტორი: ექსპრესნიუსი,
epn.ge (@expressnews.ge)
