თბილისის საქალაქო სასამართლოში ყოფილი პრემიერ-მინისტრის, ზურაბ ჟვანიას, გარდაცვალების საქმზე ექსპერტ ლევან ჩაჩუას პროცესი გაიმართა. ჩაჩაუამ სასამართლოს ჩვენება მისცა და 2003 წლის 5 თებერვალს განვითარებული მოვლენები დეტალურად გაიხსენა.
ჩაჩუას განცხადებით, როცა ზურაბ ჟვანიას ცხედრის ექსპერტიზა დასრულდა, ექსპერტიზის ეროვნული ბიუროს მაშინდელ ხელმძღვანელ ლევან სამხარაულს ესაუბრა. საუბარი ეხებოდა იმ განცხადებას, რომელიც მაშინდელმა შს მინისტრმა ვანო მერაბიშვილმა დილის რვა საათზე გააკეთა და თქვა, რომ ზურაბ ჟვანია უბედური შემთხვევის შედეგად გარდაიცვალა.
მისივე განმარტებით, მაშინ სამხაურაულის პასუხი იყო, რომ ვანო მერაბიშვილმა ყველაფერი დილის 7 საათიდან იცოდა.
"სამხარაულმა ასეთი რეაქცია მისცა, წინ არის ყველაფერიო, ისე ლევან- ვუთხარი,  სწორია, არ უნდა გაეკეთებინა ასეთი შეფასება წინასწარ,  სანამ გვამი არ იქნებოდა ნანახი-მეთქი.ხელი დაიქნია და ასეთი სიტყვები მითხრა, დილას 7 საათზე  ვანომ ყველაფერი იცოდაო. ყველაფერი თავიდან ბოლომდეა გადაღებულიო. ზედმეტი კითხვა არ დამისვამს და არვიცი,  რას გულისხმობდა მისი ნათქვამი- ყველაფერი არის თავიდან ბოლომდე გადაღებულიო.იმას, რომ მერე როცა გამოძიება მიმდინარეობდა ყველაფერი გადაიღეს თავიდან ბოლომდე, თუ იმის შესაძლებლობას, რომ იმ ბინაში ეყენა რაღაცა გადამღები, რომელიც შეიძლება მერე ნახეს",-განაცხადა ლევან ჩაჩუამ.
ამასთან, ჩაჩუამ რაულ უსუპოვთან დაკავშირებით აღნიშნა, რომ გულ-მკერდის  არეში ნაჩხვლეტი ბალზამის გაკეთების შედეგად იყო მიყენებული. რაც შეეხება ზურაბ ჟვანიას ცხედარს, ჩაჩუას განცხადებით, მარცხენა ქვედა  ტუჩის არეში  დაზიანება გარდაცვალების შემდეგ იყო მიყენებული.
დღესვე პროცესის დასრულების შემდეგ განცხადებები ბრალდებისა და დაცვის მხარეებმაც გააკეთეს.
"მან პრაქტიკულად აღიარა ბრალად  შერაცხული  დანაშაული. მან განმარტა, რომ მეტი პრიორიტეტი მიანიჭა ბიომასალის დალუქვას ექსპერტიზის დროს და არა გვამებთან უშუალოდ მუშაობას და გვამების დათვალიერებას",-განაცხადა პროკურორმა რევაზ ნადოიმ.
"ექსპერტიზის დასკვნაში ისაუბრა იმასთან დაკავშირებით, რომ მხოლოდ და მხოლოდ უნდა იქნეს შეტანილი, თუ არის იგი ნაჭდევი,  თუ არის იგი დაზიანება, მოტეხილობა და როცა დარწმუნდა,  რომ არც ერთ გვამს არანაირი დაზიანება არ ჰქონდა, ამიტომ არ აღრიცხა",-აღნიშნა ჩაჩუას ადვოკატმა ზურაბ ტაბიძემ.
საქმის არსებითი განხილვა  18 თებერვალს განახლდება. პროცესზე  ბრალდება დასკვნით სიტყვას წარმოთქვამს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება