2023-09-28 10:15:02, 1127 ნახვა

---

ქედაში, ქონების მართვის ახალი პროგრამის პრეზენტაცია და ბუღალტრული აღრიცხვის თანამედროვე სტანდარტების დანერგვის მიზნით ტრენინგი გაიმართა

ქედაში, ქონების მართვის ახალი პროგრამის (eproperty) პრეზენტაცია და ბუღალტრული აღრიცხვის თანამედროვე სტანდარტების დანერგვის მიზნით ტრენინგი გაიმართა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, ტრენინგის მიზანს ქონების მართვისა და ბუღალტრული აღრიცხვის ანგარიშგების საერთაშორისო სტანდარტების მიხედვით დანერგვა წარმოადგენდა, რომელსაც ფასილიტაციას საქართველოს ადგილობრივი თვითმმართველი ერთეულების ფინანსთა ასოციაციის თავმჯდომარე დავით ხოსრუაშვილი უწევდა.

„შეხვედრას ქედის მუნიციპალიტეტის საკრებულოს თავმჯდომარე ამირან ცინცაძე, მერიის საფინანსო-საბიუჯეტო სამსახურის უფროსი ჯემალ ტაკიძე, ადგილობრივი თვითმმართველობის და მუნიციპალური ორგანიზაციის წარმომადგენლები ესწრებოდნენ“,- აღნიშნულია ქედის მერიის ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი