2023-09-26 13:11:24, 844 ნახვა
სამართალი
ნიუ-იორკში საქართველოს მოქალაქე მოკლეს - დაკავებულიც საქართველოს მოქალაქეა
ნიუ-იორკში 43 წლის საქართველოს მოქალაქეს ცივი იარაღით ჭრილობები მიაყენეს. მედიის ცნობით, მამაკაცი, რომელსაც 15-მდე ჭრილობა ჰქონდა მიყენებული, კლინიკაში გარდაიცვალა.
როგორც მედია წერს, პოლიციამ საქართველოს მოქალაქის მკვლელობის ბრალდებით ასევე საქართველოს მოქალაქე დააკავა.
შემთხვევა ორი კვირის წინ ბრუკლინში, ბრაიტონ ბიჩზე მოხდა.
თვითმხილველები აცხადებენ, რომ შემთხვევას წინ მამაკაცებს შორის სიტყვიერი დაპირისპირება უძღოდა.
ავტორი: ექსპრესნიუსი,
epn.ge (@expressnews.ge)
