აჭარის ჯანმრთელობისა და სოციალური დაცვის მინისტრი ნინო ნიჟარაძე, სამედიცინო სფეროს წარმომადგენლებთან ერთად, ოფიციალური ვიზიტით ქვემო სილეზიაში იმყოფება. 

აჭარის ჯანდაცვის სამინისტროს ცნობით, ქვემო სილეზიასა და აჭარის ავტონომიურ რესპუბლიკას შორის არსებული ურთიერთთანამშრომლობის ფარგლებში, მედიცინის სფეროში კონტაქტების გაფართოების ინიცირების მიზნით, აჭარის ჯანდაცვის მინისტრი და სამედიცინო სფეროს წარმომადგენლები, ოფიციალური მიწვევით მონაწილეობას ღებულობდნენ სამედიცინო კონფერენციაში - DOLMED.Tech.

"სამედიცინო ფორუმი  21 სექტემბერს, იაკუშიცეში გაიმართა, რომელიც ქვემო სილეზიის მარშალმა, ცეზარ პჟიბილსკიმ გახსნა. ფორუმში ასევე მონაწილეობდნენ ჯანდაცვის ეროვნული ფონდის პრეზიდენტი, ვროცლავის სამედიცინო უნივერსიტეტის დეკანი, ადგილობრივი კლინიკების ხელმძღვანელები და  სამედიცინო ბიზნესში ჩართული პირები. 

პროფილაქტიკური და დიაგნოსტიკური საქმიანობის განვითარების მიმართულებები - სადისკუსიო პანელზე მონაწილეობა მიიღო აჭარის ჯანდაცვის მინისტრმა, ნინო ნიჟარაძემ, რომელმაც აჭარის რეგიონის მაგალითზე მიმოიხილა საზოგადოებრივი ჯანმრთელობის დაცვის მიმართულებით არსებული პროგრამები და გამოწვევები. კონფერენციის ფარგლებში ასევე განიხილეს ტექნოლოგიური გამოწვევები და IT მიმართულებები ადრეული დიაგნოსტიკისა და პრევენციის ხელშეწყობის უზრუნველყოფაში.

ვიზიტის ფარგლებში, ნინო ნიჟარაძე შეხვდა ქვემო სილეზიის მარშალს, ასევე მოინახულა ადგილობრივი სამედიცინო კლინიკები. მინისტრთან ერთად იმყოფებიან მინისტრის პირველი მოადგილე, მარინ ზანაქიძე, საზოგადოებრივი ჯანდაცვის ხელმძღვანელი, რუსუდან შავიშვილი, დაავადებათა კონტროლისა და საზოგადოებრივი ჯანმრთელობის ეროვნული ცენტრის აჭარის ორგანიზაციის ხელმძღვანელი, ნინო გუგუშვილი, ბათუმის რესპუბლიკური საავადმყოფოს ამბულატორიული განყოფილების უფროსი, გია კიკაბიძე და ინოვაციური მედიცინის საუნივერსიტეტო საავადმყოფოს ხელმძღვანელი, ხათუნა ვარშანიძე",- ნათქვამია უწყების ინფორმაციაში.

ავტორი: NS (სტატია დაფინანსებულია),

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა