|
2023-09-15 19:00:15, 818 ნახვა
საზოგადოება
კადეტთა სამხედრო ლიცეუმში სასწავლო პროცესი განახლდა
გენერალ გიორგი კვინიტაძის სახელობის კადეტთა სამხედრო ლიცეუმის დაარსებიდან 13 წელი გავიდა. ლიცეუმმა იუბილე და სასწავლო პროცესის დაწყება გელათის საკათედრო ტაძრის ტერიტორიაზე აღნიშნა. ამის შესახებ ინფორმაციას საქართველოს თავდაცვის სამინისტრო ავრცელებს. თავდაცვის სამინისტროს ცნობით, საზეიმო ცერემონიას საქართველოს თავდაცვის მინისტრის მოადგილე, გრიგოლ გიორგაძე და თავდაცვის ძალების მეთაური, გენერალ-მაიორი გიორგი მათიაშვილი დაესწრნენ. მათ კადეტებს წარმატებული სასწავლო წელი უსურვეს და ლიცეუმის, როგორც მაღალი ხარისხის საგანმანათლებლო დაწესებულების მნიშვნელობაზე გაამახვილეს ყურადღება. ღონისძიებაზე კადეტებმა კადეტის მრწამსი წაიკითხეს, მოგვიანებით კი, კულტურული პროგრამის ფარგლებში, ლიტერატურული კომპოზიცია „საქართველო უპირველეს ყოვლისა“ წარმოადგინეს. "ოფიციალური ნაწილის დასრულების შემდეგ, თავდაცვის უწყების ხელმძღვანელმა პირებმა კადეტთა სამხედრო ლიცეუმის სამხედრო მოსამსახურეები უწყებრივი მედლებით, საშტატო იარაღითა და ფასიანი საჩუქრებით დააჯილდოვეს. კადეტები ქუთათელ-გაენათელმა მიტროპოლიტმა, მეუფე იოანემ დალოცა. საზეიმო ღონისძიებაზე საქართველოს თავდაცვის ძალებისა და ადგილობრივი ხელისუფლების წარმომადგენლების გარდა, კადეტების ოჯახის წევრები იმყოფებოდნენ. კადეტთა სამხედრო ლიცეუმს 2014 წელს გენერალ გიორგი კვინიტაძის სახელი მიენიჭა. ლიცეუმი საქართველოში ერთადერთი სასწავლო დაწესებულებაა, რომელიც სამხედრო მომზადებასა და ამავდროულად ზოგადი განათლების მიღებას უზრუნველყოფს. საქართველოს პრემიერ-მინისტრის გადაწყვეტილებით, სამხედრო ლიცეუმის მშენებლობა აღმოსავლეთ საქართველოშიც მიმდინარეობს. 2023-2024 სასწავლო წელს კადეტთა სამხედრო ლიცეუმი სიახლით ხვდება. საქართველოს თავდაცვის ძალებსა და საქართველოს პარლამენტთან არსებული ჰერალდიკის საბჭოსთან შეთანხმებით, შეიცვალა კადეტების უნიფორმა. დღეიდან ისინი ახალ, გენერალ გიორგი კვინიტაძის სამხედრო ფორმის ანალოგ ფორმას ატარებენ", - ნათქვამია ინფორმაციაში.
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



