|
2023-09-08 10:09:53, 811 ნახვა
საზოგადოება
ბრეგაძე - მელიას აღქმები სტრასბურგის სასამართლოს გადაწყვეტილებასთან დაკავშირებით საინტერესო არ არის
ნიკანორ მელიას აღქმები სტრასბურგის სასამართლოს გადაწყვეტილებასთან დაკავშირებით საინტერესო არ არის,- ამის შესახებ იუსტიციის მინისტრმა, რსატი ბრეგაძემ ტელეკომპანია „იმედის" ეთერში განაცხადა. ბრეგაძის თქმით, სამართლებრივი გადაწყვეტილება მიღებულია და საქმეში „მელია საქართველოს წინააღმდეგ" მელია არის დამარცხებული. „ჩვენ აუცილებლად უნდა განვასხვაოთ ერთმანეთისაგან პოლიტიკური შეხედულებები, შეგრძნებები და სამართალი. თუ რა შეფასება აქვს ბატონ ნიკანორ მელიას გადაწყვეტილებასთან დაკავშირებით, ეს ნაკლებად საინტერესოა, რადგან უკვე არის ადამიანის უფლებათა ევროპული სასამართლოს გადაწყვეტილება, რომელმაც მკაფიოდ და ხაზგასმით თქვა, რომ ნიკანორ მელიას მიმართ განხორციელებული ღონისძიებები იყო სრულ შესაბამისობაში ადამიანის უფლებათა ევროპულ კონვენციასთან“, - განაცხადა ბრეგაძემ. მისივე თქმით, დემოკრატიული საზოგადოებრივი წყობილების და სამართლებრივი სახელმწიფოს დამკვიდრება არის ქართველი ხალხის ისტორიული ნება, რაც სამართლებრივ ნორმებზე შეთანხმებას და მის დაცვას გულისხმობს. და თუკი ადამიანი არ დაემორჩილება კანონმდებლობას, მას დაეკისრება შესაბამისი პასუხისმგებლობა. სწორედ ასეთი პასუხისმგებლობა დაეკისრა ნიკანორ მელიას. ამავდროულად, აქ დაცული იყო ადამიანის უფლებები უმაღლესი ევროპული სტანდარტით. „მელიას აქვს გამოხატვის თავისუფლება და შეუძლია, თავისუფლად ისაუბროს იმაზე, რაც უნდა და იმ ფორმით, რა ფორმითაც მოესურვება, მაგრამ სამართლებრივი პროცედურა არის დასრულებული. სასამართლომ თქვა, რომ საქმეში არცერთი მოქმედება სახელმწიფოს მხრიდან არ იყო მოტივირებული პოლიტიკურად... სამართლებრივი გადაწყვეტილება მიღებულია და საქმეში „მელია საქართველოს წინააღმდეგ" მელია არის დამარცხებული",- დასძინა იუსტიციის მინისტრმა.
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



