ქობულეთში ძლიერი წვიმის შედეგად ადიდებულმა მდინარე აჭყვამ რამდენიმე ქუჩა დატბორა. აღნიშნულ ინფორმაციას ქობულეთის მუნიციპალიტეტის მერია ავრცელებს.

მერიის ცნობით, გარდა ამისა, სხვადასხვა სოფელში მეწყრული პროცესები განვითარდა. 

"ძლიერი წვიმის შედეგად მდინარე აჭყვა კალაპოტიდან გადმოვიდა, რამაც ქობულეთში რამდენიმე მისამართზე დატბორვა გამოიწვია. 

ქალაქში დილიდან უხვი ნალექის შედეგად გამოწვეული ზიანის  სალიკვიდაციო სამუშაოები მიმდინარეობს. მერიის შესაბამისი სამსახურები, სხვადასხვა უწყებებთან ერთად, აქტიურ რეჟიმში ახორციელებენ ამოტუმბვით და გაწმენდით სამუშაოებს.

შემთხვევის ადგილზე ქობულეთის მერი, საგანგებო სიტუაციების მართვის სამსახურის, მერიისა და საგზაო დეპარტამენტის წარმომადგენლები იმყოფებიან",- აღნიშნულია ქობულეთის მუნიციპალიტეტის მერიის ინფორმაციაში.

ავტორი: ექსპრესნიუსი,

სოციალური ქსელები

ლე პენი აცხადებს, რომ მზადაა ზელენსკის ბრიუსელში შეხვდეს

Bloomberg: პუტინმა ნატოს შემცირება აშშ-სთან უკრაინასთან დაკავშირებული მოლაპარაკებების პირობად დაასახელა.

სალომე ზურაბიშვილი - ოცნებამ პოლიტიკური ცხოვრება ამ ქვეყანაში უკვე გააუქმა

ევა გოცირიძე ნიკა გვარამიას - ირღვეოდა თუ არა 2004-2012 წლებში ადამიანის უფლებები და იყო თუ არა ამაზე პასუხისმგებელი ენმ?