აჭარის ჯანმრთელობისა და სოციალური დაცვის სამინისტროში, გერმანიის ფედერალური რესპუბლიკის ეკონომიკური თანამშრომლობისა და განვითარების სამინისტროს „გლობალური განვითარების ორგანიზაციის“ დელეგაციას უმასპინძლეს. აღნიშნულის შესახებ ინფორმაციას აჭარის ჯანდაცვის სამინისტრო ავრცელებს.

მათი ცნობით, შეხვედრის მიზანს შრომის უსაფრთხოების საკითხებში ქართულ-გერმანული პროექტის სამომავლო თანამშრომლობის განხილვა წარმოადგენდა.

„შეხვედრას აჭარის ჯანდაცვის მინისტრის მოადგილე, ნონა გალოგრე, სამინისტროს ადმინისტრაციული დეპარტამენტის უფროსი, ირაკლი მახარაძე და აჭარის დასაქმების სააგენტოს ხელმძღვანელი, თეიმურაზ კახიძე ესწრებოდნენ.

„გლობალური განვითარების ორგანიზაციის“ დელეგაციის ვიზიტის ფარგლებში განიხილეს წინა წლებში ააიპ „ბიზნეს საქართველოსთან“ ერთად აჭარის ავტონომიური რესპუბლიკაში, შრომის უსაფრთხოების სფეროში დაწყებული თანამშრომლობის შედეგები. შეხვედრაზე ასევე, ხაზი გაესვა სამომავლო თანამშრომლობის ძირითად მიმართულებას - საქართველოში შრომის უსაფრთხოების  მოქმედი სპეციალისტების კვალიფიკაციის ამაღლებას, რომლის პროცესში გერმანიის ფედერაციული რესპუბლიკის  „შრომის უსაფრთხოებისა და გარემოს დაცვის ექსპერტთა ასოციაცია (VDSI)“ იქნება ჩართული.

პროექტის ფინანსურ და საექსპერტო მხარდაჭერას უზრუნველყოფს გერმანიის ეკონომიკური თანამშრომლობისა და განვითარების სამინისტროს“ გლობალური განვითარების ორგანიზაცია“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ლე პენი აცხადებს, რომ მზადაა ზელენსკის ბრიუსელში შეხვდეს

Bloomberg: პუტინმა ნატოს შემცირება აშშ-სთან უკრაინასთან დაკავშირებული მოლაპარაკებების პირობად დაასახელა.

სალომე ზურაბიშვილი - ოცნებამ პოლიტიკური ცხოვრება ამ ქვეყანაში უკვე გააუქმა

ევა გოცირიძე ნიკა გვარამიას - ირღვეოდა თუ არა 2004-2012 წლებში ადამიანის უფლებები და იყო თუ არა ამაზე პასუხისმგებელი ენმ?