|
2023-08-21 16:50:25, 692 ნახვა
საზოგადოება
ახალციხის მუნიციპალიტეტში საძოვრების მდგრადი მართვის ეროვნული პოლიტიკის კონცეფციით გათვალისწინებული მიდგომების დანერგვა დაიწყო
ახალციხის მუნიციპალიტეტში საძოვრების მდგრადი მართვის ეროვნული პოლიტიკის კონცეფციით გათვალისწინებული მიდგომების დანერგვა დაიწყო,- აღნიშნულის შესახებ ინფორმაციას გარემოს დაცვის და სოფლის მეურნეობის სამინისტრო ავრცელებს. უწყების ცნობით, „საძოვრების მდგრადი მართვის ეროვნული პოლიტიკის კონცეფციის“ დოკუმენტის ძირითადი მიმართულებები და კონცეფციის ახალი მიდგომების დანერგვის ამოცანები მხარეებმა ახალციხის მუნიციპალიტეტში გამართულ სამუშაო შეხვედრაზე განიხილეს. „მუნიციპალიტეტის სოფლების რწმუნებულებთან შეხვედრას მიწის მდგრადი მართვისა და მიწათსარგებლობის მონიტირინგის ეროვნული სააგენტოს თავმჯდომარე გიორგი მიშელაძე, კავკასიის რეგიონული გარემოსდაცვითი ცენტრის (REC Caucasus) დირექტორი სოფო ახობაძე და ახალციხის მუნიციპალიტეტის მერი ირაკლი ლაზარაშვილი ესწრებოდნენ. საძოვრების მდგრადი მართვის სისტემის დასანერგად, პირველ ეტაპზე, განხორციელდება საქართველოში არსებული საძოვრების ფართობის განსაზღვრა, დეგრადაციის ტენდენციის შეფასება და სათიბ-საძოვრების იდენტიფიცირება; ასევე, საძოვრების ზონირება სოფლის საძოვრებად, ზამთრის საძოვრებად, ახლო და შორეულ ზაფხულის საძოვრებად და ზონირების შესაბამისი რუკების შედგენა. ზონირების მიხედვით დადგინდება, თუ რომელი საძოვრები გადაეცემა სოფლის მაცხოვრებლებს საერთო სარგებლობის რეჟიმით და რომელი გაიცემა იჯარით. ზემოაღნიშნულის მიზნით, მუნიციპალიტეტის მასშტაბით, რამდენიმე ლოკაციაზე გადამოწმდა მიწის ის ნაკვეთები, რომლებთაც, ძველი მიწათსარგებლობის გეგმების მიხედვით, საძოვრის კატეგორია ჰქონდათ მინიჭებული; განხორციელდა მათი ადგილზე დათვალიერება და შეფასება სხვადასხვა მაჩვენებელზე. საძოვრების მდგრადი მართვის ეროვნული პოლიტიკის კონცეფციის დოკუმენტი საძოვრებით მდგრადი სარგებლობისა და მათი დაცვის ერთიანი, თანმიმდევრული მიდგომის ჩამოსაყალიბებლად, ქართველი და საერთაშორისო ექსპერტების ჩართულობით, გარემოს დაცვისა და სოფლის მეურნეობის სამინისტროში შემუშავდა. ახალმა მიდგომებმა უნდა უზრუნველყოს საძოვრებზე მიწის დეგრადაციის პრევენცია და ბიომრავალფეროვნების შენარჩუნება“,- აღნიშნულია ინფორმაციაში.
ყირიმის ხიდი უკრაინის შეიარაღებული ძალების მიერ განხორციელებული დარტყმის შემდეგ ჩამოინგრა
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



