საპარლამენტო უმრავლესობის ზვიად კვაჭანტირაძის შეფასებით, რუსული კომპანია“როსნეფტის“ ფოთის პორტში შემოსვლის ფაქტი თუ დადასტურდება, ეს „ოკუპაციის შესახებ“ კანონს, რა თქმა უნდა, არღვევს. 

„თუ ეს დადასტურდება, რა თქმა უნდა „ოკუპაციის შესახებ“ კანონს არღვევს. ეს არის  მომენტი, რომელსაც ხელისუფლება ასე მარტივად ვერ გააკონტროლებს. მითუმეტეს საქართველოში ეს დიდი ხნის წინ დაწყებული თემაა, ქვეყანაში რუსული ინვესტიციების მოზიდვა მიხეილ სააკაშვილისა და კახა ბენდუქიძის პოლიტიკაა. ამის შესახებ ყველამ იცის“, – აღნიშნა კვაჭანტირაძემ. 

 რუსულ კომპანია „როსნეფტთან“ დაკავშირებით ინფორმაცია არ აქვს დეპუტატ თინა ხიდაშელს. 

 ჟურნალისტის კითხვაზე,რუსული კომპანია „როსნეფტის“ მიერ ფოთის პორტში აქციების შესყიდვა, რომელიც ასევე ოკუპირებული აფხაზეთის მიმდებარედ ნავთობ მომპოვებელ საქმიანობას აწარმოებს, არღვევს თუ არა „ოკუპაციის შესახებ“ კანონს,  თინა ხიდაშელმა უპასუხა: „არ ვიცი. მხოლოდ თქვენი სიტყვა ვერ იქნება ჩემთვის სამტკიცი, რომ ეს ნამდვილად ასეა. საერთოდ წარმოდგენა არ მაქვს, რა არის ეს კომპანია და რას აკეთებს, ეს იმ ხალხს უნდა ჰკითხოთ, ვისაც ამის შესახებ  ინფორმაცია აქვს".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა