|
2023-07-31 14:50:14, 720 ნახვა
საზოგადოება
აზარაშვილი - ეს არის მართლაც გარდამტეხი პროექტი, რომელიც ონკოლოგიური დიაგნოზის მქონე ბავშვებს, მაღალი ხარისხის სამედიცინო სერვისის მიღების თანასწორ შესაძლებლობას მისცემს
ეს არის, მართლაც, გარდამტეხი პროექტი, რომელიც ონკოლოგიური დიაგნოზის მქონე ბავშვებს, მაღალი ხარისხის სამედიცინო სერვისის მიღების თანასწორ შესაძლებლობას მისცემს როგორც საქართველოში, ისე - საქართველოს ფარგლებს გარეთ, - ამის შესახებ ჯანდაცვის მინისტრმა, ზურაბ აზარაშვილმა განაცხადა. აზარაშვილის განმარტებით, სახელმწიფომ საფუძველი ჩაუყარა ისტორიულ პროექტს, რომელიც ონკოლოგიური დიაგნოზის მქონე ყველა ბავშვისთვის ხარისხიან ჯანდაცვას უზრუნველყოფს. „2022 წლის ბოლოს, საქართველოს პრემიერ-მინისტრის ინიციატივით, საქართველოს მთავრობამ, ონკოლოგიური დიაგნოზის მქონე ბავშვებისთვის, სასიცოცხლო მნიშვნელობის ჯანდაცვის სერვისების უზრუნველყოფის მიზნით, უპრეცედენტო ნაბიჯები გადადგა - ბავშვებისთვის ხარისხიან სამედიცინო სერვისებზე ხელმისაწვდომობა მკაფიოდ აისახა სამთავრობო პოლიტიკასა და გრძელვადიან სტრატეგიაში, რაც გულისხმობს ქვეყნის ფარგლებში, უმოკლეს ვადებში, ხელმისაწვდომი გახდეს მაღალი ხარისხის სამედიცინო მომსახურების სრული სპექტრი. ამისთვის, იგეგმება თანამედროვე, საერთაშორისო სტანდარტებთან შესაბამისი ბავშვთა ონკოლოგიური ცენტრის მოწყობა, რისთვისაც ვთანამშრომლობთ მრავალწლიანი გამოცდილებისა და საუკეთესო პრაქტიკის მქონე საერთაშორისო პარტნიორებთან. დაწყებულია აქტიური მუშაობა გამოცდილი ექსპერტების რეკომენდაციით გადაიდგა უკვე ქმედითი ნაბიჯები, სახელმწიფოს ბაზაზე, მულტიპროფილური კლინიკის შესაქმნელად“,- განაცხადა ჯანდაცვის მინისტრმა. ჯანდაცვის სამინისტროს „სოლიდარობის ფონდსა“ და პარტნიორ კლინიკებს შორის ხელშეკრულებები დღეს გაფორმდა. პროექტის ფარგლებში, ონკოლოგიური დიაგნოზის მქონე ბავშვები, მკურნალობას ისრაელში, ესპანეთში, თურქეთსა და საქართველოში სახელმწიფოს სრული დაფინანსებით შეძლებენ. პროგრამის პარტნიორი კლინიკებია: თურქეთის „ანადოლუს სამედიცინო ცენტრი“, ესპანეთის „ქირონ სალუდის პროტონოთერაპიის ცენტრი“ და „თელ-ავივ სოურასკის (იხილოვის) სამედიცინო ცენტრი“. პაკეტი მოიცავს დიაგნოსტიკასა და სტანდარტული მკურნალობის კურსს: ქიმიოთერაპიას, სხივურ თერაპიას, ოპერაციულ ჩარევას. ასევე - პროტონოთერაპიას, პაციენტის საჭიროებებიდან გამომდინარე.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



