2023-07-26 10:28:24, 1532 ნახვა
სამართალი
მზიურის პარკთან ბიზნესმენის დაჭრის ბრალდებით ერთი პირი დააკავეს
მზიურის პარკთან ბიზნესმენ ტატო გურგენიძის დაჭრის ბრალდებით ერთი პირი დააკავეს. ამის შესახებ "ექსპრესნიუსს" შინაგან საქმეთა სამინისტროში განუცხადეს.
შემთხვევა მზიურის პარკის მიმდებარე ტერიტორიაზე გუშინ, 25 ივლისს, დღის მეორე ნახევარში მოხდა.
გურგენიძე, რომელიც სამშენებლო კომპანიის ერთ-ერთი მეწილეა, ცეცხლსასროლი იარაღით დაჭრეს.
ბიზნესმენი სამედიცინო დაწესებულებაშია გადაყვანილი.
შსს-მ მომხდართან დაკავშირებით გამოძიება ჯანმრთელობის განზრახ მძიმე დაზიანებისა და იარაღის უკანონოდ ტარების მუხლებით დაიწყო.
ავტორი: ექსპრესნიუსი,
epn.ge (@expressnews.ge)
