|
2023-07-25 16:09:37, 1057 ნახვა
საზოგადოება
საზღვაო ტრანსპორტის სააგენტო სოჭიდან საკრუიზო გემის შემოსვლაზე - კომერციული ხასიათისაა - ის საერთაშორისო სანქციებში არ ფიქსირდება
საქართველოს საზღვაო ტრანსპორტის სააგენტო ეხმაურება გავრცელებულ ინფორმაციას, რომლის მიხედვითაც, 27 ივლისს, ბათუმში სოჭიდან საკრუიზო გემი შემოვა. როგორც საზღვაო ტრანსპორტის სააგენტოს ოფიციალურ განცხადებაშია ნათქვამი, საკრუიზო გემის ASTORIA GRANDE-ს შემოსვლა კომერციული ხასიათისაა. სააგენტო ასევე განმარტავს, რომ გემი რეგისტრირებულია სეიშელის კუნძულებზე კომპანია Goodwin Shipping Limited-ის სახელით და საერთაშორისო სანქციებში არ ფიქსირდება. "გემის სააგენტო კომპანიის INFLOT-ის მიერ მოწოდებული ინფორმაციით, 27 ივლისს ბათუმის საზღვაო ნავსადგურში პალაუს დროშის ქვეშ მცურავი საკრუიზო გემი ASTORIA GRANDE-ს შემოსვლა იგეგმება. რომელსაც თურქული საკრუიზო კომპანია Miray Cruises International-ი ემსახურება. აღსანიშნავია, რომ საკრუიზო გემის ASTORIA GRANDE-ს შემოსვლა კომერციული ხასიათისაა. იგი რეგისტრირებულია სეიშელის კუნძულებზე კომპანია Goodwin Shipping Limited-ის სახელით და საერთაშორისო სანქციებში არ ფიქსირდება. საქართველოს საზღვაო ტრანსპორტი სააგენტო, ფინანსთა სამინისტროს შემოსავლების სამსახურთან კოორდინაციით, მუდმივ რეჟიმში ახორციელებს როგორც გემების, ასევე გემთმფლობელების შემოწმებას საერთაშორისო სანქციებთან მიმართებით. შესაბამისად, თუკი გემი, ან გემის მფლობელი არის სანქციების სიაში, მას არ ეძლევა საქართველოს ნავსადგურებში შემოსვლისა და შესაბამისი პროცედურების განხორციელების უფლება",- ნათქვამია სააგენტოს განცხადებაში. ცნობისთვის, ტელეკომპანია Россия 1-მა გაავრცელა ინფორმაცია, რომ 22 ივლისს, საკრუიზო გემმა ASTORIA GRANDE-მ დაიწყო ახალი მარშრუტით მოგზაურობა, რომლის მიხედვითაც გემი ბათუმის პორტშიც შევა.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



