21 წლის ლაშა ჟღენტი სამართალდამცველებს ძალადობაში ადანაშაულებს. როგორც ჟღენტი ჟურნალისტებთან საუბრისას აცხადებს, ორ ადამიანთან ერთად თბილისში, გოგებაშვილის ქუჩაზე იმყოფებოდა, როდესაც პოლიციამ გააჩერა და ჩხრეკა დაიწყო.

21 წლის ახალგაზრდა, რომელიც მომხდართან დაკავშირებით სპეციალურ საგამოძიებო სამსახურში უკვე დაიბარეს, ამბობს, რომ აღნიშნულის შემდეგ პოლიციელებმა მას სიტყვიერი და ფიზიკური შეურაცხყოფა მიაყენეს.

"ვისაუბრებ სიმართლეს, რაც გამიკეთეს მანქანაში და მანამდე, რის გამოც ტყუილად წამიყვანეს პოლიციის განყოფილებაში, მცემეს. მანქანაში როდესაც ჩამსვეს, ბორკილები დამადეს, რომ არ გავმოძრავებულიყავი, ორ კაცს ვეჭირე და ერთი მირტყამდა. თავიდან ვინც შემოწმებაზე მოვიდა ჩვენთან, მაგ ორმა შეურაცხყოფა მომაყენა თავიდანვე და მანქანაში ერთ-ერთმა მცემა - მეორე საჭესთან იჯდა, ერთმა მცემა",- ამბობს 21 წლის ახალგაზრდა მედიის წარმომადგენლებთან საუბრისას.

ჟღენტის დედის, სოფი გამცემლიძის თქმით, მას შემდეგ, რაც მომხდართან დაკავშირებით ინფორმაცია მედიაში გავრცელდა, "გაჩერების" მოთხოვნით, მასთან სატელეფონო ზარი განხორციელდა.

"რამდენიმე ზარი შემოვიდა ჩემს ტელეფონზე, რომ გავჩერდეთ. ბოდიშის მოხდით ყველაფერს აპატიებენ ბავშვებს, ოღონდ გავჩერდეთ. ჩვენ არ გავჩერდებით - ვინც არ უნდა დარეკოს. ჩემი შვილები არიან მართლები და ამ საქმეს ბოლომდე მივყვებით",- აცხადებს გამცემლიძე.

ავტორი: ექსპრესნიუსი,

სოციალური ქსელები

ტობიას კრემერი - როგორი სასოწარკვეთილი უნდა იყოს მთავრობა, რომ საკუთარი თავის გარდა ყველა პოლიტიკური პარტია აკრძალოს

რასა იუკნევიჩიენე - საქართველოს ბიძინიზაცია დამარცხდება, სანქციები აუცილებელია ივანიშვილისა და ყველა პასუხისმგებელი პირის წინააღმდეგ

ბურჭულაძე: ოცნებასთან საპროცესო არა მონანიება, არამედ უკანონო პატიმრობისგან გათავისუფლებაა

აქტივისტი სერგი ყანჩაველი - ფიზიკური თუ სიტყვიერი შეურაცხყოფის და ასევე სქესობრივი იძულების კვალდაკვალ მიხსენიებდნენ აკაცუკად