|
2023-07-14 14:25:51, 1280 ნახვა
საზოგადოება
ახალი მედია ხელოვნებისა და მრავალმხრივი მუსიკის ფესტივალი TKESHI იხსნება
დედაქალაქის მერიის პროექტის - „თბილისი - იუნესკო-ს მედია ხელოვნების ქალაქი“ ფარგლებში, 15-დან 29 ივლისის ჩათვლით, კოჯრის ტყეში ახალი მედია ხელოვნებისა და მრავალმხრივი მუსიკის ფესტივალი TKESHI ჩატარდება. აღნიშნულის შესახებ ინფორმაციას თბილისის მერია ავრცელებს. უწყების ცნობით, ახალი მედია ხელოვნება და თანამედროვე ელექტრო-აკუსტიკური მუსიკა ხშირად დახურულ სივრცეებშია წარმოდგენილი, TKESHI - New Media Art ფესტივალის მიზანი კი თანამედროვე კულტურის ბუნებაში გატანა და შთაგონების ძიებაა იქ, საიდანაც ადამიანის ისტორია იწყება. „15 ივლისიდან ფესტივალის პროგრამა ათობით ადგილობრივ და საერთაშორისო არტისტს უმასპინძლებს. ფესტივალის მთავარი იდეა მიზნად ისახავს ბუნებასთან კავშირში, ღია ცის ქვეშ, მდიდარი და მრავალფეროვანი აუდიო-ვიზუალური გამოცდილების გაზიარებას ფართო აუდიტორიისთვის. აუდიო-ვიზუალური პერფორმანსები, ახალი მედია ხელოვნების ინსტალაციები და მრავალფეროვანი საგანმანათლებლო პროგრამა ახალი ენერგიებითა და ჯადოსნური შთაბეჭდილებებით შეავსებს ტყის სივრცეს. 15, 22, და 28 ივლისი ფესტივალის პროგრამის განსაკუთრებული დღეებია, როდესაც 15:00 საათიდან მნახველებს შესაძლებლობა ექნებათ დაესწრონ ისეთი საერთაშორისო არტისტების აუდიო-ვიდეო ინსტალაციებს და პერფორმანსებს, როგორებიც არიან: ბერლინში მცხოვრები იაპონელი არტისტი Ryoichi Kurokawa, ელექტრონული მუსიკის გერმანელი არტისტი Amelie Duchow, ასევე, საერთაშორისო არტისტების კოლაბორაციული პროექტი WHITE BALANCE და სხვები. სრული პროგრამა იხილეთ ბმულზე https://fb.me/e/Uu6oqGh3. მთავარი პროგრამის პარალელურად, ივლისის მეორე ნახევარი დაეთმობა ფესტივალის საზოგადოებრივ და საგანმანათლებლო აქტივობებს - საუბრები მონაწილე არტისტებთან, ვორქშოფები, პერფორმანსები, ჩვენებები და სხვა. სრული პროგრამა იხილეთ ბმულზე: https://fb.me/e/sN4mE9O5. კოჯრის ფიჭვნარის ტერიტორიაზე მოხვედრა შესაძლებელი იქნება სპეციალური საფესტივალო ავტობუსებით, რომლებიც მთელი დღის განმავლობაში იმოძრავებენ კუს ტბის ტერიტორიიდან და გიორგი ლეონიძის ქუჩიდან. ნავიგაციის გასამარტივებლად, Google Maps-ში საჭიროა ჩაწეროთ: TKESHI“,- აღნიშნულია ინფორმაციაში.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



