|
2023-07-07 09:59:30, 755 ნახვა
საზოგადოება
მარკო კაინერი - იშვიათად მინახავს მოკლე დროში გარემოს დაცვის სხვადასხვა მიმართულებით ისეთი პროგრესი, როგორიც საქართველომ აჩვენა
გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი, ქ. ბუდაპეშტში, გაეროს ევროპის ეკონომიკური კომისიის (UNECE) გარემოსდაცვითი განყოფილების დირექტორს მარკო კაინერს შეხვდა. შეხვედრაზე მხარეებმა გარემოს დაცვის მიმართულებით საქართველოს მიერ მიღწეული პროგრესი განიხილეს. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. მათი ცნობით, ნინო თანდილაშვილმა გაეროს ევროპის ეკონომიკური კომისიის გარემოსდაცვითი განყოფილების ხელმძღვანელს მხარდაჭერისთვის მადლობა გადაუხადა. „საქართველო აქტიურად არის ჩართული გაეროს ევროპის ეკონომიკური კომისიის გარემოსდაცვით პროცესებსა და შეთანხმებებში და აქტიურად მუშაობს რეკომენდაციების შესრულებაზე. გარემოს დაცვის მიმართულებით მნიშვნელოვანი წინსვლა გვაქვს“, - განაცხადა ნინო თანდილაშვილმა. მინისტრის პირველმა მოადგილემ მარკო კაინერს დეტალური ინფორმაცია მიაწოდა გარემოს დაცვის მიმართულებით საქართველოს მთავრობის მიერ განხორციელებული ინიციატივების შესახებ. ნინო თანდილაშვილმა ხაზგასმით აღნიშნა, რომ ჰაერის დაბინძურების პრევენციის მიზნით ქვეყანაში მოქმედებს მონიტორინგის სისტემები; მიმდინარეობს რეფორმები სამრეწველო სექტორიდან გაფრქვევების შემცირების, წყლის რესურსების მართვის და კონტროლის მექანიზმების მიმართულებებით. შეხვედრაზე საუბარი შეეხო „წყლის რესურსების მართვისა“ და „სამრეწველო ემისიების შესახებ“ მიღებულ კანონებს. როგორც მინისტრის პირველმა მოადგილემ განაცხადა, ორივე კანონი ევროპულ მოთხოვნებთან სრულ თანხვედრაშია და მათი პრაქტიკაში აღსრულება გარემოს დაბინძურების შემცირებასა და ბუნებრივი რესურსების მდგრად მართვას უზრუნველყოფს. გაეროს ევროპის ეკონომიკური კომისიის გარემოსდაცვითი განყოფილების დირექტორის განცხადებით, საქართველოს გარემოს დაცვის მიმართულებით ვალდებულებების შესრულების კუთხით მნიშვნელოვანი პროგრესი აქვს. „შთამბეჭდავია ის რეფორმები და ინიციატივები, რაც საქართველომ გარემოს დაცვის მიმართულებით გაატარა. გაეროს ევროპის ეკონომიკურ კომისიაში ჩემი 15 წლიანი მუშაობის განმავლობაში, იშვიათად მინახავს მოკლე დროში გარემოს დაცვის სხვადასხვა მიმართულებით ისეთი პროგრესი, როგორიც საქართველომ აჩვენა“, - განაცხადა მარკო კაინერმა. გაეროს ევროპის ეკონომიკური კომისიის (UNECE) გარემოსდაცვითი განყოფილების დირექტორმა საქართველოს სამომავლო რეკომენდაციების შესრულების მიმართულებით სრული მხარდაჭერა გამოუცხადა.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



