2023-07-04 10:03:10, 1060 ნახვა
მსოფლიო
ზელენსკი მოუწოდებს ბაიდენს, უკრაინა ნატოში მიიწვიოს
უკრაინის პრეზიდენტი ვოლოდიმირ ზელენსკი ამერიკის შეერთებული შტატების პრეზიდენტს, ჯო ბაიდენს მოუწოდებს, უკრაინა ნატოში მიიწვიოს.
როგორც ზელენსკიმ CNN-თან ინტერვიუში განაცხადა, საკითხზე, იქნება თუ არა უკრაინა ნატოში, „გადაწყვეტილების მიმღები“ ბაიდენია.
”ის მხარს უჭერს ჩვენს მომავალს ნატოში”, - თქვა უკრაინის მთავრობის მეთაურმა და დაამატა, რომ ახლა მოწვევა ჯარისკაცებისთვის დიდი მოტივატორი იქნება.
კითხვაზე, თუ რატომ არ უნდა დაელოდოს ქვეყანა მოწვევას, ვოლოდიმირ ზელენსკიმ პასუხად აღნიშნა, რომ "ძალიან მნიშვნელოვანია", უკრაინამ მოწვევა "ახლა" მიიღოს.
„ძალიან მნიშვნელოვანია იმის შეგრძნება, რომ მომავალში ნამდვილად მოკავშირეების გვერდით იქნები“,- ამბობს ზელენსკი.
ავტორი: ექსპრესნიუსი,
epn.ge (@expressnews.ge)
