ჩემი ორგანიზებით, ჩემი კოორდინაციით, აფხაზეთიდანაც, სოხუმის ციხიდან და ცხინვალის ციხიდან ყველა ქართველი პატიმარი იქნა გამოშვებული. ეს იყო ჩემი ჩართულობა,- ამის შესახებ საქართველოს პრემიერ-მინისტრმა, ირაკლი ღარიბაშვილმა პარლამენტის პლენარულ სხდომაზე ყოველწლიური ანგარიშის წარდგენისას განაცხადა.

როგორც მთავრობის მეთაურმა საპარლამენტო ტრიბუნიდან აღნიშნა, საქართველოს ბევრი მოქალაქე რუსეთის ფედერაციის ციხეებიდანაც გათავისუფლდა.

"მე ვიყავი პრემიერ-მინისტრი მაშინ, როდესაც ჩვენს მიერ შექმნილი ფორმატის გამოყენებით, ჩვენი სპეცწარმომადგენლის, ზურაბ აბაშიძის ჩართულობით, ძალიან ბევრი მოქალაქე გათავისუფლდა რუსეთში ციხეებში ვინც იხდიდა სასჯელს - ჯერ კიდევ წინა მთავრობის ომის დროს დაპატიმრებულები. ეს ერთი ფაქტი, კონკრეტული შედეგი...

მეორე - მე სანამ გადავდგებოდი პრემიერ-მინისტრის თანამდებობიდან, აქტიური კომუნიკაცია მქონდა სხვადასხვა არხების გამოყენებით და სწორედ ჩემი ორგანიზებით, ჩემი კოორდინაციით, აფხაზეთიდანაც, სოხუმის ციხიდან და ცხინვალის ციხიდან ყველა ქართველი პატიმარი იქნა გამოშვებული. ეს იყო ჩემი ჩართულობა...

ამაზე მუდმივად მიმდინარეობს მუშაობა. სუს-ი არის აქტიურად ჩართული, ჩვენი პოლიცია და მაქსიმუმს ვაკეთებთ რაც შეგვიძლია. ადამიანებს გადაწურული ჰქონდათ იმედი - ერთი სპეცრაზმელი იყო, 20-25 წელი ჰქონდა მისჯილი სოხუმის ციხეში. ბევრი რაღაცები გავაკეთეთ. რაც შეგვიძლია, ვაკეთებთ და კიდევ გავაკეთებთ უფრო მეტს. ამაზე მიდის მუშაობა და დამერწმუნეთ, შედეგები იქნება",- თქვა პრემიერ-მინისტრმა.

ავტორი: ექსპრესნიუსი,

სოციალური ქსელები

„სელფი“ Tbilisi Open Air 2026-ის ტელეკომ პარტნიორია

აბაშაში, საქართველოს ბანკში ერთი პირი შეიჭრა და სანადირო თოფიდან გაისროლა

საქართველოსა და უზბეკეთს შორის სტრატეგიული პარტნიორობის შეთანხმება გაფორმდა

„საწვავის კრიზისი სოციალურ კრიზისში გადაიზრდება“ - ВЦИОМ პუტინის მოწონების რეიტინგის ყველაზე მკვეთრი ვარდნა დააფიქსირა ბოლო რვა წლის განმავლობაში