|
2023-06-26 22:41:05, 784 ნახვა
საზოგადოება
თბილისის მერი სტუდენტური ფესტივალის შემაჯამებელ ღონისძიებას დაესწრო
„სტუდენტური ფესტივალი 2023“ დასრულდა. ფესტივალის შემაჯამებელი ღონისძიება დღეს რიყის პარკში გაიმართა. ამის შესახებ ინფორმაციას თბილისის მერია ავრცელებს. ღონისძიებაზე შეკრებილ საზოგადოებას სიტყვით მიმართა თბილისის მერმა კახა კალაძემ. "მინდა, მადლობა გადავუხადო ორგანიზატორებს, თითოეულ უნივერსიტეტს და თქვენ - ახალგაზრდებს, რომლებიც აღნიშნულ ფესტივალში იღებთ მონაწილეობას. არაერთხელ გვითქვამს და კიდევ ერთხელ გავიმეორებთ - დედაქალაქის მერია ყოველთვის ხელს შეუწყობს და დაეხმარება ჯანსაღი ცხოვრების წესის პოპულარიზაციას, ხელს შეუწყობს ახალგაზრდულ პროგრამებს იმისთვის, რომ მოგეცეთ შესაძლებლობა, განავითაროთ თქვენი სხვადასხვა პროექტი. აღნიშნული ფესტივალი დღეს სრულდება, მაგრამ რჩება ახალი მეგობრები, ურთიერთობები, რაც მნიშვნელოვანია. ერთ რამეში დაგარწმუნებთ - იმაში, რასაც ვაკეთებთ, ვაკეთებდით და გავაკეთებთ მომავალში, ყოველთვის, პირველ რიგში იქნება გათვალისწინებული ამ ქვეყნის ინტერესები და ამ ქვეყნის მომავლის ინტერესები, რომ თქვენ, ახალგაზრდა თაობას, ჩვენს შვილებს, ვერავინ გაბედოს და შეუჩეროს ის ევროპული მომავალი, რასაც საქართველოს განვითარება ჰქვია. გილოცავთ დღევანდელ დღეს და მინდა, სულ ასეთი ლაღები და გამარჯვებულები იყოთ“, - განაცხადა კახა კალაძემ. ღონისძიებაზე სხვადასხვა მიმართულებით გამარჯვებული უნივერსიტეტები დაჯილდოვდნენ, ასევე გამოვლინდა გარდამავალი თასის მფლობელი უნივერსიტეტი. "სტუდენტური ფესტივალის ფარგლებში 25 მაისიდან 20 ივნისამდე განხორციელდა ტურნირები სპორტის 17 სახეობაში და კულტურული ტურები 5 მიმართულებით. ღონისძიებებში ჩართული იყო საქართველოში მოქმედი 32 სახელმწიფო და კერძო უმაღლესი სასწავლებლის 50 000-ზე მეტი სტუდენტი. ფესტივალი საქართველოს საუნივერსიტეტო სპორტის ფედერაციის ორგანიზებით, თბილისის მერიისა და კულტურის, სპორტისა და ახალგაზრდობის სამინისტროს მხარდაჭერით გაიმართა. სტუდენტური ფესტივალი ყოვეწლიურად იმართება. ღონისძიების მიზანია ცხოვრების ჯანსაღი წესის პოპულარიზაცია, სტუდენტური ცხოვრების გააქტიურება და გამრავალფეროვნება, სტუდენტთა მოტივაციის ამაღლება და მათი ნიჭის რეალიზება", - ნათქვამია მერიის განცხადებაში.
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
ლაშა ფარულავა - 27 ტენდერიდან მოპარულია 41 მილიონი ლარი და ამ პოლიტიკური პასუხისმგებლობას, კახი კალაძე ვერ გაექცევა!
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



