2023-06-26 09:57:40, 1071 ნახვა
საზოგადოება
ზელენსკიმ უკრაინაში დაღუპული მიხეილ ყაფლანიშვილი ღირსების ორდენით დააჯილდოვა
უკრაინის პრეზიდენტმა, ვოლოდიმირ ზელენსკიმ უკრაინაში დაღუპული ქართველი მებრძოლი მიხეილ ყაფლანიშვილი გამოჩენილი მამაცობისთვის ღირსების ორდენითა და მედლით დააჯილდოვა. აღნიშნულის შესახებ ინფორმაციას უკრაინაში მებრძოლი ქართველები ავრცელებენ.
მათი ცნობით, ჯილდოს საქართველოში უკრაინის წარმომადგენლობა დაღუპულის დედას გადასცემს.
"რუს ოკუპანტებთან ბრძოლაში გმირულად დაცემული ჩვენი ძმა და თანამებრძოლი მიშა კაპლანი დაჯილდოვდა პრეზიდენტ ზელენსკის ბრძანებით ბრძოლაში გამოჩენილი მამაცობისთვის. მედალს მიშა კაპლანის დედას საქართველოში უკრაინის დიპლომატიური წარმომადგენლობა გადასცემს",- აღნიშნულია უკრაინაში მებრძოლი ქართველების მიერ გავრცელებულ ინფორმაციაში.
შეგახსენებთ, მიხეილ ყაფლანიშვილი 21 ოქტომბერს, ლუგანსკში სარაკეტო იერიშის დროს დაიღუპა.
ავტორი: ექსპრესნიუსი,
epn.ge (@expressnews.ge)
