12:25 - 17 Nov, 2026
ჩვენ შესახებ რეკლამა/ხელმოწერა
2023-06-24 13:40:36, 861 ნახვა

საზოგადოება
იუსტიცია - დავით ფუტკარაძემ სისტემაში დანერგილი სიახლეები ნოტარიუსთა საერთაშორისო კავშირის ევროპის საქმეთა კომისიის სხდომაზე წარადგინა

ნოტარიუსთა პალატის გამგეობის თავმჯდომარემ სისტემაში დანერგილი სიახლეები ნოტარიუსთა საერთაშორისო კავშირის ევროპის საქმეთა კომისიის სხდომაზე წარადგინა. აღნიშნულ ინფორმაციას იუსტიციის სამინისტრო ავრცელებს.

უწყების ცნობით, დავით ფუტკარაძემ ყურადღება გაამახვილა ელექტრონული სანოტარო აქტის დანერგვაზე ნოტარიატში.

"ნოტარიუსის მიერ ციფრული ხელმოწერის გამოყენების მიმართულებით ნოტარიუსთა პალატაში უკვე  მიმდინარეობს მუშაობა შესაბამისი სამართლებრივი აქტის პროექტის მომზადებაზე.

გაციფრულების პროექტი ნოტარიუსთა პალატის საქმიანობის  ერთ-ერთი პრიორიტეტია. დღეისათვის საქართველოს ნოტარიატი ასრულებს ისეთ დისტანციურ სანოტარო მოქმედებებს, როგორიცაა:  მინდობილობა, განცხადება/გარიგება, კომპანიის კრების ოქმის დადასტურება.

ნოტარიუსთა საერთაშორისო კავშირის ევროპის საქმეთა კომისიის სხდომა რომში გაიმართა და  მას საქართველოს ნოტარიუსთა პალატის წარმომადგენლებთან ერთად  კოლეგები საერთაშორისო კავშირის წევრი  ქვეყნებიდანაც ესწრებოდნენ.

საქართველოს ნოტარიუსთა პალატა ლათინური ნოტარიატის საერთაშორისო კავშირის წევრია. ქართველი ნოტარიუსები ჩართული არიან ნოტარიუსთა მსოფლიო ქსელში, რომელიც ლათინური ნოტარიატის საერთაშორისო კავშირის წევრ ქვეყნებს შორის ინფორმაციისა და გამოცდილების გაცვლას ისახავს მიზნად",- აღნიშნულია იუსტიციის სამინისტროს მიერ გავრცელებულ ინფორმაციაში.





ავტორი: NS (სტატია დაფინანსებულია),


სოციალური ქსელები
ლაშა ფარულავა - 27 ტენდერიდან მოპარულია 41 მილიონი ლარი და ამ პოლიტიკური პასუხისმგებლობას, კახი კალაძე ვერ გაექცევა!
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics