2023-06-21 09:41:17, 1405 ნახვა
სამართალი
შსს - თბილისში რამდენიმე ლოკაციაზე სპეცოპერაცია ჩატარდა - დაკავებულია 8 პირი
თბილისში, რამდენიმე ლოკაციაზე, მათ შორის კოსტავას ქუჩაზე მდებარე ერთ-ერთ კლუბში გვიან ღამით სპეცოპერაცია ჩატარდა.
როგორც ცენტრალური კრიმინალური პოლიციის ტრეფიკინგის და უკანონო მიგრაციის წინააღმდეგ ბრძოლის განყოფილების უფროსმა, გრიგოლ გოგოჩაშვილმა მედიის წარმომადგენლებთან საუბრისას განაცხადა, საპოლიციო ღონისძიების ფარგლებში 8 პირი დააკავეს.
გოგოჩაშვილის თქმით, საქმე თაღლითურ სქემას უკავშირდება.
"სპეციალური საპოლიციო ღონისძიება მიმდინარეობს სხვადასხვა ლოკაციაზე, მათ შორის არის ერთ-ერთი აღნიშნული კლუბი. დაკავებულია 8 პირი. აღნიშნული საპოლიციო ღონისძიება უკავშირდება თაღლითურ სქემას. დამატებითი და დეტალური ინფორმაცია მედიისთვის მოგვიანებით გახდება ცნობილი", - განაცხადა გრიგოლ გოგოჩაშვილმა.
ავტორი: ექსპრესნიუსი,
epn.ge (@expressnews.ge)
